ب: ڤیابا كه‌یفا زه‌لامی هندی دنیایه‌كێ هاتبا؛ چونكی ئه‌و ژ مالا خۆ و هه‌ڤژینا خۆ یێ به‌رپرسه، و ئه‌و یا دهێت و حه‌ز دكه‌ت توبه‌بكه‌ت، و خودایێ مه‌زن فه‌رمانا مه دكه‌ت ئه‌م خۆ و خه‌لكێ مالا خۆ ژ ئاگرێ جهنه‌مێ ب پارێزین، دبێژیت: (ياأَيُّهَا الَّذِينَ ءَامَنُواْ قُواْ أَنفُسَكُمْ وَأَهْلِيكُمْ نَاراً وَقُودُهَا النَّاسُ وَالْحِجَارَةُ) و هه‌ڤژینا وی ژ خه‌لكێ مالا وییه، و یا پێتڤی ئه‌و بوو، هه‌كه وێ ئه‌و حه‌ز نه‌بیت و دل ل سه‌ر ته‌وبه‌یێ نه‌بیت، ئه‌و وان رێكان ب ده‌ته به‌ر، یێت به‌رێ وی دده‌نه ته‌وبه‌یێ و خۆ زڤرینێ، ئه‌ڤه یا چاڤه‌رێ بوو ژ زه‌لامی، نه به‌روڤاژی، ژنێ دل ل سه‌ر ته‌و‌بێ هه‌بیت و حه‌ز بكه‌ت توبه بكه‌ت، به‌لێ زه‌لامێ وێ نه‌هێلیت، ب راستی ئه‌ڤه تشته‌كێ عنتیكه‌یه، ل گه‌ل هندێ ژی خویشكا هێژا، نابیت تۆ گوهداریا زه‌لامێ خۆ د نه‌گوهداریا خودێدا بكه‌ی، و نابیت تو گونه‌هێ بۆ رازیبوونا زه‌لامێ خۆ بكه‌ی، وی ژ خۆ رازیكه‌ی و خودێ ژ خۆ نه رازیكه‌ی، و بۆ ڤێ چه‌ندێ پێغه‌مبه‌ر سلاڤێت خودێ ل سه‌بن دبێژیت: (مَنِ الْتَمَسَ رِضَى اللَّهِ بِسَخَطِ النَّاسِ رَضِيَ الِلَّهِ عَنْهُ وَأَرْضَى النَّاسَ عَنْهُ وَمَنِ الْتَمَسَ رِضَا النَّاسِ بِسَخَطِ اللَّهِ سَخَطَ الِلَّهِ عَلَيْهِ وَأَسْخَطَ عَلَيْهِ النَّاسَ) یێ ل رازیبونا خودێ بگه‌رێیت و ب هه‌لبژێریت ل سه‌ر نه‌رازیبوونا خه‌لكی، خودێ دێ ژێ رازی بیت و خه‌لكی ژی دێ ژێ رازی كه‌ت، و هه‌‌ر كه‌سێ ل رازیبونا خه‌لكی ب گه‌ریت ل سه‌ر نه‌رازیبوونا خودێ، خودێ دی نه‌رازی بیت، و خه‌لكی ژی دێ ژێ نه رازی كه‌ت.
و ب چ ره‌نگان نابیت تۆ د بێ ئه‌مریا خودێدا گوهێ خۆ ب ده‌یه زه‌لامێ خۆ، و هه‌كه ته وه‌كر تو یا گونه‌هكاری، پێغه‌مبه‌ر سلاڤێت خودێ ل سه‌ربن دبێژیت: (لا طَاعَةَ في المعصية إنما الطَّاعَةُ في الْمَعْرُوفِ) گوهداری دگونه‌هێدا نابیت، گوهداری به‌س د تشتێ دورستدایه و دڤه‌گێره‌كا دیدا دبێژیت: (لا طَاعَةَ لِبَشَرٍ فِي مَعْصِيَةِ اللَّهِ) گوهداری بۆ چ مرۆڤان د نه‌گوهداریا خودێدا نابیت و دڤه‌گێره‌كا دیدا دبێژیت: (لا طاعة لمخلوقٍ في معصية الله) گوهداری بۆ چ چێكریان د نه‌گوهداریا خودێدا نابیت و خودێ چێتر دزانیت.
