ب / زانايێت مه دبێژن: خودێ زه‌لامى و ژنا وى دێ گه‌هينيته ئێك هه‌كه هه‌ردوو چۆنه به‌حه‌شتێ، و خودێ مه‌زن دبێژيت: ((الَّذِينَ يَحْمِلُونَ الْعَرْشَ وَمَنْ حَوْلَهُ يُسَبِّحُونَ بِحَمْدِ رَبِّهِمْ وَيُؤْمِنُونَ بِهِ وَيَسْتَغْفِرُونَ لِلَّذِينَ آمَنُوا رَبَّنَا وَسِعْتَ كُلَّ شَيْءٍ رَّحْمَةً وَعِلْمًا فَاغْفِرْ لِلَّذِينَ تَابُوا وَاتَّبَعُوا سَبِيلَكَ وَقِهِمْ عَذَابَ الْجَحِيمِ))(( رَبَّنَا وَأَدْخِلْهُمْ جَنَّاتِ عَدْنٍ الَّتِي وَعَدتَّهُمْ وَمَن صَلَحَ مِنْ آبَائِهِمْ وَأَزْوَاجِهِمْ وَذُرِّيَّاتِهِمْ إِنَّكَ أَنتَ الْعَزِيزُ الْحَكِيمُ )) و ئه‌وێت عه‌رشى هه‌لدگرن، و ئه‌وێت دۆرماندۆر ته‌سبيح و حه‌مدا خودايێ خۆ دكه‌ن ئانكو: ب شوكرا خودايێ خۆ، خودايێ خۆ ژ هه‌مى كێماسيان پاقژ دكه‌ن، و ب دورستى باوه‌ريێ پێ دئينن، و داخوازا گونه‌ه ژێبرنێ بۆ ئه‌وێت باوه‌رى ئينايين دكه‌ن و دبێژن: يا خودێ دلۆڤانى و زانينا ته، هه‌مى تشت يێت ڤه‌گرتين، ڤێجا گونه‌هێت وان ئه‌وێت تۆبه‌كرين و رێكا ته گرتين ژێ ببه، و وان ژ ئاگرێ دۆژه‌هێ بپارێزه. خودێ وۆ.. تو وان خودان باوه‌ران و يێت باش ژ باب و باپير و هه‌ڤسه‌ر و دوينده‌ها وان، بكه د به‌حه‌شتا عه‌دن و ئاكنجيبوونێدا، ئه‌وا ته سۆز و په‌يمان پێ داييه وان، نێ تويى يێ سه‌رده‌ست و كاربنه‌جه. و وان ژ ئيزايا خرابيان بپارێزه، و هه‌ركه‌سێ وێ رۆژێ تو ژ ئيزايا خرابيان بپارێزى، ئه‌ڤه بێ شك ته دلۆڤانى پێ بر، و ئه‌ڤه‌يه سه‌رفه‌رازيا مه‌زن. ديسا ده‌يكا مه موسلمانان سه‌وده (خودێ ژێ رازى بيت) ـ پشتى ترسياى پێغه‌مبه‌ر (سلاڤێت خودێ لێ بن) به‌رده‌ت ـ گۆتآ: يا پێغه‌مبه‌رێ خودێ.. من نه‌به‌رده ئه‌ز حه‌زدكه‌م ئه‌ز ژ هه‌ڤژينێت ته‌بم ل به‌حه‌شتێ و ئه‌ز شه‌ڤا خۆ بۆ عائيشايآ دهێلم. و زانا دبێژن: ئه‌ڤه ده‌ليله هه‌كه ژن و مێر هه‌ردوو چۆنه به‌حه‌شتێ دێ گه‌هنه ئێك، و خودێ چێتر دزانيت.
