ب / زانايێت مه سێ بۆچۆن ل سه‌ر ڤێ پرسێ يێت هه‌ين:
بۆچۆنا ئێكێ: كا كێژ وان دگه‌ل وآ باشتر بوو و سه‌ره‌ده‌رى خۆشتر بوو دێ دگه‌ل وى بيت.
بۆچۆنا دووێ: هه‌لبژاتن دێ بۆ وى هێته هێلان وێ كيژ ڤيا دێ وى هه‌لبژێريت و ئه‌و دێ ب كه‌يفا خۆ بيت وێ كى هه‌لبژات دێ دگه‌ل وى بيت.
بۆچۆنا سيێ: دێ دگه‌ل وى بيت يێ دويماهيێ ئه‌و دگه‌ل، و به‌لگه‌يێ ڤێ بۆچۆنێ حوزيفه (خودێ ژێ رازى بيت) گۆته ژنا خۆ هه‌كه ته بڤێت تو ژنا من بي ل به‌حه‌شتێ پشتى من شوينه‌كه چونكى ژن دێ دگه‌ل وى بيت يێ دويماهيێ ئه‌و دگه‌ل، و ديسا پشتى ئه‌بو درداْ ئه‌مرێ خودێ كرى موعاويه‌ى ده‌يكا ده‌ردائى خواست، گۆتێ: من يا گول ئه‌بو ده‌ردائى بووى دگۆت پێغه‌مبه‌رى (سلاڤێت خودێ لێ بن) يا گۆتى: هه‌ر ژنه‌كا زه‌لامێ وێ بمريت و شوى ب ئێكێ دێ بكه‌ت ئه‌و دێ دگه‌ل يێ دويماهيێ بيت ژ وان، و من نه‌ڤێت كه‌س جهێ ئه‌بو ده‌ردائى بگريت. هه‌لبه‌ت ئه‌ڤ حه‌ديسه ته‌به‌رانى و به‌غه‌وى و خه‌تيبێ به‌غدادى ڤه‌دگێرن و ئه‌لبانى دورست دكه‌ت و هه‌كه يا دورست بيت ئه‌ڤ بۆچۆنه ژ هه‌ردووكێت دى بهێزتره، و خودێ چێتر دزانيت.
