به‌رسڤێت شه‌رعى ل دۆر به‌حه‌شتێ

ب / هه‌كه‌ كچێ شويكر و پشتى شويكرنێ زه‌لامێ وێ مر و ژبه‌ر حه‌ژێكرنا وى شوى نه‌كه‌ت دا ل به‌حه‌شتێ بگه‌هيته‌ وى دورسته‌، و هه‌كه‌ هه‌ردوو چۆنه‌ به‌حه‌شتێ دێ گه‌هيته‌ وى يێ د دنيايێدا ئه‌و ژنا وى، به‌لێ هه‌كه‌ شوى پێ نه‌كربيت نابيت ئه‌و خۆ ل هيڤيا وى بگريت بۆ قيامه‌تێ و نه‌دورسته‌ و چو به‌لگه‌ نينن ئه‌و دێ قيامه‌تێ گه‌هنه‌ ئێك. راسته‌ پێغه‌مبه‌ر (سلاڤێت خودێ لێ بن) دبێژيت: مرۆڤ (رۆژا قيامه‌تێ) يێ دگه‌ل وى يێ حه‌ژێ دكه‌ت، و د ريوايه‌ته‌كا ديدا: گۆت: گۆتنه‌ پێغه‌مبه‌رى (سلاڤێت خودێ لێ بن) مرۆڤ حه‌ژ هنده‌كان بكه‌ت و هێژ نه‌گه‌هشتيه‌ وان؟ گۆت: مرۆڤ يێ دگه‌ل وى يێ حه‌ژێ دكه‌ت. به‌لێ كچ خۆ ژ شويكرنێ ڤه‌گريت و هێژ شوى نه‌كرى ژبه‌ر ڤى ئه‌گه‌رى نه‌دورسته‌ و ياباشتر ئه‌وه‌ شوى بكه‌ت و رۆژا قيامه‌تێ هه‌كه‌ چۆ به‌حه‌شتێ بلا يا پشت راست بيت خودێ دێ وێ رازى كه‌ت ب وى ره‌نگێ وێ بڤێت و ئه‌و پێ دل خۆش ببيت، و خودێ چێتر دزانيت.