ب / به‌لێ، ناڤێ سه‌حابى يێ هاتى ئه‌و ژى عوكاشه‌يه، و ئه‌ڤ حه‌ديسه ده‌ف بوخارى و موسلمى هه‌ردووكان يا هاتى ژ ئبن عه‌باسى خودێ ژ هه‌ردوويان رازى بيت، دبێژيت: پێغه‌مبه‌رى (سلاڤێت خودێ لێ بن) گۆت: مله‌ت نيشا من هاتنه دان (مله‌ت پێشچاڤى من كرن)، من ديت پێغه‌مبه‌رى ژ ده‌هان كێمتر دگه‌ل، و پێغه‌مبه‌رى زه‌لامه‌ك دوو دگه‌ل، و پێغه‌مبه‌رى كه‌س دگه‌ل نه، د وى ده‌ميدا ره‌شاتيه‌كا مه‌زن به‌ره‌ف منڤه بلند بوو، من هزركر ئه‌ڤه ئوممه‌تا منه، گۆته من: ئه‌ڤه مووسا و مله‌تێ ويه، به‌لێ به‌رێ خۆ بده ڤى لاى، من به‌رێ خۆ دايێ ره‌شاتيه‌كا مه‌زنه، گۆته من: به‌رێ خۆ بده لايێ دى، ديسا ره‌شاتيه‌كا مه‌زن بوو، گۆته من ئه‌ڤه ئوممه‌تا ته‌يه، و حه‌فتێ هزار مرۆڤ يێ دگه‌ل وان بێ حسێب و بێ ئيزا دێ چنه به‌حه‌شتێ. پاشى رابوو چۆ د خانيێ خۆڤه. و خه‌لكێ ده‌ست هاڤێتێ سوحبه‌تا وان كرن، يێت بێ حسێب و بێ ئيزا دێ چنه به‌حه‌شتێ. هنده‌كان گۆتن: ئه‌ون ئه‌وێت هه‌ڤالينيا پێغه‌مبه‌رى (سلاڤێت خودێ لێ بن) كرين، و هنده‌كان گۆتن: ئه‌و ئه‌ون يێت د موسلمانه‌تيێدا بووين و چو شريك، بۆ خودێ نه‌چێكرين، و هنده تشتێت دى گۆتن، ئينا پێغه‌مبه‌ر (سلاڤێت خودێ لێ بن) ده‌ركه‌فت گۆته وان: هوين به‌حسێ چ دكه‌ن؟ بۆ گۆتن، ئينا گۆت: ئه‌و ئه‌ون يێت پێڤه‌خواندنا خه‌له‌ت و نه‌زانان ب كه‌سێڤه نه‌خوينن، و داخوازا پێڤه‌خواندنا خه‌له‌ت و نه‌زانان ژ كه‌سێ نه‌كه‌ن و بێوه‌غه‌ريا خۆ ژ تشتا نه‌راكه‌ن، و پشتا خۆ ب خودايێ خۆ گه‌رم دكه‌ن، عوكاشه‌يێ كورێ موحسه‌نى رابى و گۆت: دوعا ژ خودێ بكه ئه‌ز ژ وان بم، گۆت: تو ژ وانى پاشى زه‌لامه‌كێ دى رابوو و گۆت: دوعا ژ خودێ بكه ئه‌ز ژ وان بم، گۆت: عوكاشه‌ى به‌رى ته راكر، و خودێ چێتر دزانيت.
