ب / هه‌ر مه‌جمه‌عێ فقهى يێ ئيسلامى ئه‌ڤێ شه‌شێ هه‌تا يازده‌ى شوباتێ سالا هزار و نه‌ه سه‌د و هه‌شتێ و هه‌شتێ هاتيه گرێدان بريار دايه:
ئێك: دورسته ئه‌ندامه‌ك و پارچه‌ك ژ مرۆڤه‌كى بێته ڤه‌گوهاستن ب سێ مه‌رجان: ب دلێ خودانى بيت، و ئه‌و پارچه و ئه‌ندامه ئه‌و بيت ب خۆ نوى ببيته‌ڤه، وه‌كى: خوينێ و پيستى، و ئه‌ڤێ دبه‌خشيت ئه‌هليه‌ت هه‌بيت ئانكو بالغ و خودان عه‌قل بيت.
دوو: دورسته ئه‌و پارچا ژبه‌ر نه‌ساخيه‌كێ هاتيه ژێڤه‌كرن و رێ بده‌ت مفا ژێ بێته ديتن بۆ له‌شه‌كێ دى بێته به‌خشين.
سێ: دورسته ئه‌ندامه‌ك ژ مرۆڤه‌كى بێته ڤه‌گوهاستن بۆ ئێكێ دى يێ پێدڤى ب مه‌رجه‌كى ژيانا يێ ئێكێ ناراوه‌ستيت وه‌كى ڤه‌گوهاستنا گولچيسكێ ب مه‌رجه‌كى دوو نوژدارێت بسپۆر ب ده‌ست بنڤێسن ژيانا يێ ئێكێ ب گولچيسكه‌كێ گه‌ف ل سه‌ر نابيت، و ب ره‌نگه‌كێ ئاسايى دآ ژيانا خۆ به‌ته سه‌رى.
و د ڤان هه‌رسێ كراساندا خۆبه‌خش دڤێت ب دلێ وى بيت، و دڤێت خودان ئه‌هليه‌ت بيت، بالغ و عاقل بيت، هه‌كه يێ بچويك يان دين و شێت بيت، نابيت و بۆ سه‌ميان و سه‌ركارێ وى نينه ئه‌و ده‌ستويريآ بده‌ت، و خودێ چێتر دزانيت.
