ب / نابيت و نه‌دورسته، ئه‌و ببيته ئه‌گه‌رێ دويماهيك ئينانا خۆ، و هه‌كه وه‌كر ئه‌و بوو بكوژێ خۆ، و ئه‌ڤه گونه‌هه‌كا مه‌زنه، چونكى ئه‌و نه‌خودانێ روحا خۆيه و وى نه‌دايه هه‌تا بريار يا وى بيت، هه‌رده‌مێ ڤيا نه‌هێليت، و ب دويماهى بينيت، و هه‌تا نه‌دورسته ئه‌و نفرينا ژى ل خۆ بكه‌ت و بێژيت: يا خودێ من نه‌هێله يان من بمرينه، هه‌كه گه‌له‌كێ بێزاره بلا ڤێ دوعايێ بكه‌ت هه‌روه‌كى بوخارى و موسلمى ژ ئه‌نه‌سى (خودێ ژێ رازى بيت) ڤه‌گێرايى دبێژيت پێغه‌مبه‌رى (سلاڤێت خودێ لێ بن) گۆت: (لا يتَمَنَّينَّ أَحَدُكُمُ المَوْتَ لِضرّ أَصَابَهُ فَإِنْ كانْ لابُدَّ فاعِلاَ، فَلْيقُل: اللَّهُمَّ أَحْيِني ما كانَتِ الحَياه خَيْراً لي، وتَوَفَّني إِذا كانَتِ الوفاه خَيراً لي) ئانكو: كه‌س ژ هه‌وه خۆزيا مرنێ نه‌كه‌ت، و هه‌كه هه‌ر دێ كه‌ت بلا بێژيت: يا خودێ من ساخ بهێله، هندى ژيان بۆ من ب خێرتر بيت، و من بمرينه هه‌كه مرن بۆ من خێرتر بيت. قه‌يسێ كورێ ئه‌بى حازمى (خودێ ژێ رازى بيت) دبێژيت: ئه‌م چۆينه ده‌ف خه‌بابێ كورێ ئه‌ره‌تتى (خودێ ژێ رازى بيت)، سه‌را بده‌ين د نه‌ساخيا ويدا، و ئه‌و ل حه‌فت جهان هاتبوو داخكرن، گۆت: ب راستى هه‌ڤالێت مه يێت پێشيا مه چۆن و دنيايێ چو ژ وان كێم نه‌كر، و هند گه‌هشته مه ئه‌م چو جهان بۆ نابينين ژ دزيێ بپارێزين ئاخ نه‌بيت، هه‌كه ژبه‌ر هندێ نه‌بايه كو پێغه‌مبه‌رێ خودێ (سلاڤێت خودێ لێ بن) نه‌هيا مه يا كرى ئه‌م مرنێ بخوازين دا مرنێ خوازم، پاشى جاره‌كا دى ئه‌م هاتينه ده‌ف و ئه‌و يێ ديواره‌كى ددانيت، گۆت: ب راستى موسلمان ب خێر دكه‌ڤيت ل سه‌ر هه‌ر تشته‌كێ ئه‌و بمه‌زێخيت، ژبلى ئه‌و بكه‌ته د ڤێ ئاخێرا، و خودێ چێتر دزانيت.
