ب / هه‌كه كه‌س بهايێ خۆپاراستنێ نه‌زانيت وه‌كى پێدڤى.. هوين ئه‌ڤێت د بوارێ ساخله‌ميێدا كاردكه‌ن باش بهايێ خۆپاراستنێ دزانن، و هوين پتر سه‌رهاتيێت ژ ئه‌گه‌رێ ڤێ تێكه‌ليێ روى دده‌ن دزانن، و گولێ دبن، و هوين پتر ژ غه‌يرى خۆ دزانن، ئه‌ڤه ئه‌نجامێ ڤێ مانا ب تنێيه دگه‌لێك، و هوينن به‌رده‌وام ده‌نگى ب ڤى شه‌نگستى بلندكه‌ت و به‌لاڤدكه‌ن: خۆ پارازتن ژ چاره‌سه‌ريێ باشتره و پێغه‌مبه‌رى (سلاڤێت خودێ لێ بن) ئه‌م ژ مانا ب تنێ يێت تراساندين، هه‌روه‌كى د ڤه‌گێرا ئبن ماجه و نه‌سائيدا هاتى، دبێژيت: (لا يخلون رجل بامرأه فإن ثالثهما الشيطان) چو زه‌لام ب تنێ دگه‌ل چو ژنان نامينن هه‌كه يێ سيێ شه‌يتان نه‌بيت، ڤێجا ئه‌ز سيسته‌را موسلمان و نوژدارێ موسلمان شيره‌ت دكه‌م خۆ ژ ڤى كراسى بپارێزن و نه‌كه‌ڤنه تێدا، جاره‌كێ دوو جاران، دبيت د ئه‌نجامدا شه‌يتان دێ ئێك ژ وان سه‌ردابه‌ت و دآ كه‌ڤنه د خه‌له‌تيێدا، و دبيت هه‌ردوو ب هه‌ڤژين بن ژى، هنگى ئه‌ڤه بوونه ئه‌گه‌رێ خرابكرنا دوو مالان، چونكى ب سڤكى به‌رێ خۆ دانه ڤى كراسى، هه‌تا بڤر ب سه‌رى كه‌فتى، و خودێ چێتر دزانيت.
