ب / وه‌كى ئه‌ز دزانم پشتى حه‌مله دورست دبيت و ئاڤا هه‌ردووكان تێكه‌ل دبيت زانين نه‌شێت ره‌گه‌زێ حه‌ملى بگوهۆريت، به‌لێ ژن به‌رده‌وام جوينێ كروموزوم (X) هه‌لدگريت و زه‌لام كروموزوم ( X، Y) هه‌لدگريت، ڤێجا هه‌كه كروموزوم (X) كه‌فته دگه‌ل يا ژنێ دێ بيته كروموزوم (XX) و هنگى ره‌گه‌ز مێيه، و هه‌كه كروموزوم (Y) كه‌فته دگه‌ل كروموزم (X) دێ بيته كروموزوم ( XY) هنگى ره‌گه‌ز دێ يآ نێر بيت، و هۆسا ديار دبيت ئه‌گه‌رآ سه‌ره‌كى زارۆك كچ بيت يان كۆر بيت زه‌لامه نه ژنه، چونكى هه‌مى ژن ئێك كروموزوم هه‌لدگرن ئه‌و ژى كروموزوم (X)ـه به‌لێ زه‌لام دوو ره‌نگا هه‌لدگريت كروموزوم ( X، Y) ڤێجا هه‌چيا كه‌فته دگه‌ل يا ژنێ ره‌گه‌ز وه‌سا ده‌ردكه‌ڤيت دويف وێ كروموزومێ. پسيار ل ڤێرێ نوژدار دشێت كروموزومێ (Y) ژ زه‌لامى راكه‌ت و بێخيته دگه‌ل كروموزوم (X)ـا ژنێ دا زارۆك نێر ده‌ركه‌ڤيت! هه‌كه زانست شيا كا ئه‌ڤه شه‌رعا دورسته يان نه د بنياتدا ئه‌ڤه كاره‌كێ ئاسايى نينه و نه‌هێته‌كرن چێتره، به‌لێ هه‌كه پێدڤيه‌كا پێدڤى بۆ هه‌بيت مانعي شه‌رعى نينه هه‌روه‌كى زانا قه‌رزاوى ڤێ دبێژيت، به‌لێ دڤێت د تخويبێت به‌رته‌نگدا بيت، و خودێ چێتر دزانيت.
