ب / يا باش ئه‌وه مه باوه‌رى ب قه‌ده‌را خودێ هه‌بيت، و ئه‌م ب دانا خودێ دلخۆش بين، چ كچ بيت يان كور، و كه‌س نوزانيت كا كيژ ب خێرتره، عه‌يالێ مرۆڤى دبيته خێره‌كا پشت مرۆڤى هه‌كه يآ كێرهاتى و ديندار بيت چ كچ بيت چ كۆر، ما كور بۆ چيه هه‌كه ئه‌و گونه‌هان ب ميراتآ بابآ پێشخۆڤه هێلايى بكه‌ت. و موسلم ژ ئه‌بو هوره‌يره ڤه‌دگێريت دبێژيت پێغه‌مبه‌ر (سلاڤێت خودێ لێ بن) دبێژيت: (إذا مَاتَ الإنسَانُ انقطعَ عمَلُهُ إلاَّ مِنْ ثلاث: صَدقَه جاريه، أوْ عِلم يُنْتَفَعُ بِهِ، أَوْ وَلَدٍ صَالحٍ يدعُو له) هه‌كه مرۆڤ مر كار و كريارێت وى دهێنه برِين سێ تێ نه‌بن: سه‌ده‌قه‌كا به‌رده‌وام يان زانينه‌كا مفايى ژێ وه‌ربگريت يان كوره‌كێ باش دوعا بۆ بكه‌ت. و هه‌كه هه‌ر ڤيا بزانيت دا كه‌يفا وان بهێت دورسته و چو تێدا نينه به‌لێ نه‌باشه پاره‌كێ مه‌زن بۆ ڤێ چه‌ندێ بده‌ت چونكى نه ژ پێدڤيانه، و خودێ چێتر دزانيت.
