ب / گرى هه‌كه ب ده‌نگێ بلند نه‌بيت، و ئاخفتنێت خه‌له‌ت دگه‌ل نه‌هێنه گۆتن، و رۆندك رێژتن بيت دورسته، چونكى ده‌مێ كورێ پێغه‌مبه‌رێ خودێ (سلاڤێت خودێ لێ بن) ئيبراهيم چۆيه به‌ر دلۆڤانيا خودێ، پێغه‌مبه‌رێ خودێ (سلاڤێت خودێ لێ بن) گۆت: يا ئيبراهيم دل ب خه‌م دكه‌ڤيت و چاڤ رۆندكان دكه‌ت و وێ نابێژين ئه‌و نه‌بيت يا خودێ پێ رازى، و د بوخارى و موسلمێدا ژ ئه‌نه‌سێ كورێ مالكى (خودێ ژێ رازى بيت) هاتيه پێغه‌مبه‌رێ خودێ (سلاڤێت خودێ لێ بن) بۆ مرنا كچه‌كا خۆ و نه‌ڤيه‌كا خۆ يێ كريه گرى و پێغه‌مبه‌ر (سلاڤێت خودێ لێ بن) يێ چۆيه سه‌ر گۆرێ ده‌يكا خۆ يێ كريه گرى، و دۆرماندۆرێت خۆ ژى يێت گرياندين، و هه‌روه‌كى موسلم ژ ئه‌بو هوره‌يره ڤه‌دگێرێت دبێژيت: (( زَارَ النبي (سلاڤێت خودێ لێ بن) قَبْرَ أُمِّهِ فَبَكَى وَأَبْكَى من حَوْلَهُ فقال اسْتَأْذنْتُ رَبِّي في أَنْ أَسْتَغْفِرَ لها فلم يُؤذنْ لي وَاسْتَأْذنْتُهُ في أَنْ أَزُورَ قَبْرَهَا فَأُذنَ لي فَزُورُوا الْقُبُورَ فَإِنَّهَا تُذكِّرُ الْمَوْتَ)) و گرى هنگى حه‌رامه و نه‌دورسته هه‌كه ده‌نگ بلندى يان پێگۆتن تێدا بيت و ئاخفتنێت خه‌له‌ت دگه‌ل بێنه گۆتن، يان گرى دويف وه‌سيه‌تا مرى بيت، هنگى هه‌ردوو د گونه‌هكارن مرى ژى، و يێ ل سه‌ر دكه‌ته گري، و رامانا حه‌ديسا پێغه‌مبه‌رى (سلاڤێت خودێ لێ بن) ((إِنَّ الْمَيِّتَ لَيُعَذبُ بِبُكَاءِ أَهْلِهِ عليه)) هه‌كه وى وه‌سيه‌ت كر ل سه‌ر بكه‌نه گرى، يان شيره‌تا مرۆڤێت خۆ نه‌كر بيت پشتى بمريت ل سه‌ر نه‌كه‌نه گرى، به‌لێ هه‌كه گريێ ڤالا بيت ژ ده‌نگ بلنديێ و خۆدادان و پێگۆتن و تشتێ خه‌له‌ت، هنگى چو نينه، به‌لگه ژى ڤه‌گێرا بوخارى و موسلمى ژ ئبن عومه‌رى، خودێ ژ هه‌ردوويان رازى بيت، گۆت: پێغه‌مبه‌رێ خودێ (سلاڤێت خودێ لێ بن) سه‌را سه‌عدێ كورێ عوباده‌ى دا و عه‌بدولره‌حمانێ كورێ عه‌وفى و سه‌عدێ كورێ ئه‌بى وه‌قاس و عه‌بدولره‌حمانێ كورێ مه‌سعودى دگه‌ل بوون، خودێ ژ هه‌ميان رازى بيت، پێغه‌مبه‌رێ خودێ (سلاڤێت خودێ لێ بن) كره گرى، ڤێجا ده‌مێ وان گريا پێغه‌مبه‌رێ خودێ (سلاڤێت خودێ لێ بن) ديتى، ئه‌و ژى گريان، ئينا گۆت: هه‌وه گولێ هه‌يه؟ ب راستى خودێ نه ب رۆندكا چاڤى ئيزا دده‌ت و نه ب خه‌مگينيا دلى، به‌لێ ب ڤى ـ و ئيشاره‌ت كره ئه‌زمانێ خۆ ـ يان ئيزا دده‌ت يان دلۆڤانيێ پێ دبه‌ت. ديسا هه‌ر بوخارى و موسلم ژ ئوسامه‌يێ كورێ زه‌يدى، خودێ ژ هه‌ردوويان رازى بيت، ڤه‌دگێرن ئوسامه‌ى (خودێ ژێ رازى بيت) گۆت: كورێ كچا پێغه‌مبه‌رێ خودێ (سلاڤێت خودێ لێ بن) به‌رڤه هاته بلندكرن، ئينا چاڤێت وى تژى رۆندك بوون، سه‌عدى گۆتێ: ئه‌ى پێغه‌مبه‌رێ خودێ ئه‌ڤه چيه؟ گۆت: ((ئه‌ڤه ره‌حمه‌ته خودێ دكه‌ته د دلێت به‌نده‌يێت خۆدا، و خودێ به‌س دێ ره‌حمێ ب وان عه‌بدێت خۆ به‌ت يێت ب ره‌حم))، و خودێ چێتر دزانيت.
