ب/ ستران وه‌سايه هه‌روه‌كى ئيمامێ شافعى دبێژيت: (حلاله حلال، حرامه حرام) ئانكو: يا حه‌لال.. حه‌لاله، و يا حه‌رام.. حه‌رامه، و ژ ڤێ ئاخفتنێ دئێته زانين ستران يا هه‌ى حه‌لال و ستران يا هه‌ى حه‌رام و هه‌مى نه د حه‌لالن هه‌روه‌سا هه‌مى نه د حه‌رامن، و ژ وان زانايێت گوهدانا سترانا دورست دكه‌ن (ابن جريج، ابن حزم، ابوبكر بن العربي، ابن النحوي)، به‌لێ دڤێت ئه‌و سترانا ئه‌م دبێژينێ يا حه‌لاله ئه‌ڤ مه‌رجێت خوارێ تێدا بن:
ـ پێدڤيه په‌يڤێت سترانێ د پاك و پاقژ و دورست بن و په‌يڤێت وێ داخوازا گونه‌هـ و خرابى و پويچاتيێ نه‌كه‌ن.
ـ رێكا گۆتنا سترانێ دڤێت ب ره‌نگه‌كێ وه‌سا نه‌بيت ئاريانا شه‌هوه‌تێ تێدا بيت.
ـ نابيت وه‌ختێ مرۆڤى گه‌له‌ك ب گوهدانا سترانێڤه بچيت و گه‌له‌ك واجب ژ مرۆڤى بچن.
ـ نابيت زێده حه‌ژێكرن بۆ سترانبێژى بێته هه‌لگرتن نه‌خاسمه سترانبێژێ خراب و يێ نه‌موسلمان و مرۆڤ بۆ خۆ بكه‌ته جهێ چاڤلێكرنێ.
ـ دڤێت گوهدانا سترانێ سه‌ر حسێبا چو ئه‌رك و واجبێت دى نه‌بيت، و خودێ چێتر دزانيت.
