ب / ب راستى ئه‌ڤه پسياره‌كا به‌ركه‌فتيه، و ب راستى موسلمانه‌تى ژ ڤان مرۆڤان يا دويره يان ئه‌و ژ ئيسلاما راست و دورست يێت دويرن، و ئه‌ڤه‌نه وێنێ ئيسلامێ كرێت دكه‌ن، و ئه‌ڤه دوجاركى د گونه‌هكارن، جاره‌كێ: چونكى عه‌داله‌ت نه‌كر، جارا دووێ: ب ڤێ كرياري دينێ ئيسلامێ كرێت كر، و بوونه نموونه‌يێت خراب، كو خه‌لك نه‌كاميا خۆ ئێكجارى ل فره‌ژنيێ بكه‌ت، چونكى ئه‌و جهئينانا ڤان مرۆڤێت خراب دبينن، و پێغه‌مبه‌ر سلاڤێت خودێ ل سه‌ربن د راستا ڤاندا دبێژيت: (من كانت له امْرَأَتَانِ فَمَالَ إلا إِحْدَاهُمَا جاء يوم الْقِيامَه وَشِقُّهُ مَائِلٌ) ئه‌و كه‌سێ عه‌داله‌ت د ناڤبه‌را ژنێت خۆدا نه‌كربيت، رۆژا قيامه‌تێ دێ ئێت و يێ دوكه‌ره و هه‌مى دێ زانن كا گونه‌ها ڤى چيه. و خودێ مه‌زن فره‌ژنى دورست نه‌كريه ب مه‌رجه‌كى نه‌بيت، و هه‌كه ئه‌و مه‌رج په‌يدا نه‌بوو هينگێ ژنا دووێ بينيت نه‌دورسته، له‌وا خودێ مه‌زن دبێژيت: (فَإِنْ خِفْتُمْ أَلاَّ تَعْدِلُواْ فَوَاحِدَةً) هه‌كه هوين ترسيان عه‌داله‌تێ د ناڤبه‌را ژناندا نه‌كه‌ن دڤێت ئێك ژن بيت، و خودێ چێتر دزانيت.
