ب : فه‌رمانبه‌ر دڤێت بزانیت ئه‌و ل دویف گرێبه‌سته‌كێ ل وی جهی یێ هاتیه دامزراندن، و ل سه‌ر ڤی بنیاتی مافداره موچێ خۆ هه‌بیت، و دڤێت ئه‌و ئه‌مانه‌تی دكارێ خۆدا بپارێزیت، و نه دورسته ئه‌و كارێ خۆ بۆ به‌رژه‌وه‌ندا خۆ یا تایبه‌ت ب كاربینیت، و بكه‌هیته ماله‌كێ نه یێ دورست، و ئه‌و ئه‌ندامێ ئه‌ندامه‌تیا خۆ ب كاردئینیت تێدا بگه‌هیته مالی ب ناڤێ شریكاتیێ بیت یان ب ناڤێ دیاریێ بیت خیانه‌ته، و خیانه‌ت ژ گونه‌هێت بچویك نینه، پێغه‌مبه‌ر سلاڤێت خودێ ل سه‌ربن دبێژیت: (لا إيمان لمن لا أمانة له) وی باوه‌ری نینه یێ ئه‌مانه‌ت ل ده‌ف نه‌بیت، و وه‌رگرتنا دیاریێ ژی ژ وان ئه‌وێت ته‌نده‌ر پێشكیشكرین دیسا خیانه‌ته و حه‌رامه، پێغه‌مبه‌ر سلاڤێت خودێ ل سه‌ربن دبێژیت هه‌روه‌كی د موسه‌نه‌دا ئه‌حمه‌دیدا هاتی: (هَدَايَا الْعُمَّالِ غُلُولٌ) دیاری وه‌رگرتنا كاربده‌ستا خیانه‌ته، و موسلمی بابه‌ته‌ك بن ڤی ناڤی ئینایه (بَاب تَحْرِيمِ هَدَايَا الْعُمَّالِ) بابه‌تێ حه‌رامكرنا دیاریێت كاربه‌ده‌ستان، و پێغه‌مبه‌ر سلاڤێت خودێ د رویدانه‌كا دیاری وه‌رگرتنێدا ژ لایێ فه‌رمانبه‌ر و كاربه‌ده‌ستانداڤه پشتی هنارتین و ب ڤی روی زڤرین: ئه‌ڤه یێ هه‌وه‌یه و ئه‌ڤه ژی یێ منه ب دیاری بۆ من یێ هاتی: (ما بَالُ الْعَامِلِ نَبْعَثُهُ فَيَأْتِي فيقول هذا لك وَهَذَا لي فَهَلَّا جَلَسَ في بَيْتِ أبيه وَأُمِّهِ فَيَنْظُرُ أَيُهْدَى له أَمْ لَا وَالَّذِي نَفْسِي بيده لَا يَأْتِي بِشَيْءٍ إلا جاء بِهِ يوم الْقِيَامَةِ يَحْمِلُهُ على رَقَبَتِهِ) كاربه‌ده‌ستان خێره ئه‌م دهنێرین دهێت دبیژیت ئه‌ڤه یێ هه‌وه‌یه و ئه‌ڤه یێ مه‌یه پا بلا رونشتبا مالا باب و دایكا خۆ و بلا ل هیڤیێ باد ێ دیاری بۆ هێنه پێشكێشكرن یان نه ئه‌ز ب وی كه‌مه یێ جانێ من دده‌ستێ ویدا نینه ئه‌و تشته‌كێ ببه‌ت هه‌كه رۆژا قیامه‌تێ پێڤه نه‌هێت.
