ب / هه‌كه چۆنا ده‌رڤه خۆ بۆ گه‌ريان و سياحێ ژى بيت و دا پتر دنيايێ بينيت و مه‌زناتيا خودێ بۆ ديار ببيت.. چو قه‌يدى نينه، به‌لێ ب مه‌رجه‌كي پارێزيێ ل خۆ بكه‌ت و سستى نه‌كه‌ڤيته نه د بيروباوه‌رێت ويدا و نه د ئه‌خلاقێ ويدا و نه د عيباده‌تێ ويدا.
ڤێجا دڤێت ئه‌وێ دچيته ده‌رڤه، ئاگه‌هـ ژ خۆ هه‌بيت و حوكمێ هه‌ميان وه‌كى ئێك نينه يێ بزانيت وێرێ دێ خراب بيت و سه‌ردا چيت بۆ وى نه‌دورسته بچيته وێرێ، و هه‌كه چۆ ژى، نابيت بمينيته ل وێرێ. به‌لێ هه‌كه خۆ راگريت و كارلێكرنا خراب لێ نه‌ئێته‌كرن و خۆ بپارێزيت و ده‌ست ژ بيروباوه‌رێت خۆ و ره‌وشت و ئه‌خلاقێت خۆ به‌رنه‌ده‌ت، يێ هۆسا چو نينه بچيته ده‌رڤه و بمينيته ل وێرێ ژى، به‌لێ يێ نه‌شێت خۆ زه‌بكه‌ت و بكه‌ڤيته د خه‌له‌تيێدا بۆ وى نه‌دورسته.
ديسا بۆ ده‌يبابان ژى نه‌دورسته بميننه ل وێرێ ئه‌وێت نه‌شێنه زارۆكێت خۆ، و زارۆك دێ ژ ده‌ستێت وان ده‌ركه‌ڤن. دڤێت ئه‌و زوى سه‌رخاترا دينێ خۆ؛ دا زارۆكێت وان سه‌ردا نه‌چن ئێك رۆژ ژى نه‌مينن پشتى بۆ وان ئاشكرا بووى هندى ئه‌و ل وێرێ بن دێ زارۆكێت وان هه‌ر د خراب بن، و چو هێجه‌ت وان نينه بێژن مانێ ئه‌م نه‌شێينێ.. و يا ژ ڤێ خرابتر ئه‌و عه‌يالێ خۆ دهێلن و دزڤرن ب هێجه‌تا وێرێ نه‌جهێ وانه و ئه‌و نه‌شێن ل وێرێ بن. باشه پا چه‌وا چێدبيت هوين عه‌يالێ خۆ بهێلنه ل وێرێ. و هه‌كه چۆنا وى بۆ ده‌رڤه ئه‌گه‌ره‌كێ شه‌رعى هه‌بيت، بۆ نموونه: يێ چۆى دا بخوينيت و باوه‌رنامه‌يه‌كێ وه‌رگريت يان دا مفايه‌كي بگه‌هينيته خۆ و مله‌تێ خۆ يان بۆ چاره‌سه‌ريێ ژ نه‌ساخيه‌كێ هنگى نه‌به‌س دورسته، به‌لێ خودان خێره ژى، و خودێ چێتر دزانيت.
