ب / چونكى چه‌ند جاران د قورئانا پيرۆزدا و د چه‌ند ئايه‌ته‌كاندا حوكمێ گۆشتێ به‌رازى ب ئاشكرايى هاتيه يێ حه‌رامه، د سۆره‌تا مائيده‌دا خودێ مه‌زن دبێژيت: (حُرِّمَتْ عَلَيْكُمُ الْمَيْتَةُ وَالْدَّمُ وَلَحْمُ الْخِنْزِيرِ وَمَآ أُهِلَّ لِغَيْرِ اللَّهِ بِهِ) گۆشتێ مراران و خوين يا رۆن و گۆشتێ به‌رازى و يێ نه ژبۆ خودێ هاتيه سه‌رژێكرن ل سه‌ر هه‌وه هاته حه‌رامكرن، و د سۆره‌تا ئه‌نعامدا دبێژيت: (قُل لاَ أَجِدُ فِي مَآ أُوْحِيَ إِلَيَّ مُحَرَّمًا عَلَى طَاعِمٍ يَطْعَمُهُ إِلاَ أَن يَكُونَ مَيْتَةً أَوْ دَمًا مَّسْفُوحًا أَوْ لَحْمَ خِنزِيرٍ فَإِنَّهُ رِجْسٌ أَوْ فِسْقًا أُهِلَّ لِغَيْرِ اللَّهِ بِهِ فَمَنِ اضْطُرَّ غَيْرَ بَاغٍ وَلاَ عَادٍ فَإِنَّ رَبَّكَ غَفُورٌ رَّحِيمٌ) هه‌ى موحه‌ممه‌د بێژه: گاورێت مه‌كه‌هێ ئه‌ز د وێ وه‌حيێدا يا بۆ من هاتى كو قورئانه تشته‌كێ حه‌رام و نه‌دورست ل سه‌ر هه‌ر ئێكێ هه‌بيت نابينم، ژبلى مرارى يان ژى خوينه‌كا رۆن يان ژى گۆشتێ به‌رازى، نێ ئه‌و يێ پيسه، يان ژى ژ گونه‌هـ ناڤێ غه‌يرى خودێ ل سه‌ر ئينا بيت. و د سۆره‌تا نه‌حلدا دبێژيت: (إِنَّمَا حَرَّمَ عَلَيْكُمُ الْمَيْتَةَ وَالدَّمَ وَلَحْمَ الْخِنزِيرِ وَمَآ أُهِلَّ بِهِ لِغَيْرِ اللَّهِ فَمَنِ اضْطُرَّ غَيْرَ بَاغٍ وَلاَ عَادٍ فَلا إِثْمَ عَلَيْهِ إِنَّ اللَّهَ غَفُورٌ رَّحِيمٌ) ب تنێ گۆشتێ مرار و خوين يا رۆن و گۆشتێ به‌رازى، و يێ نه‌بۆ خودێ هاتيه سه‌رژێكرن، ل سه‌ر هه‌وه هاتيه حه‌رامكرن، به‌لێ يێ نه‌چار و مه‌جبوور بيت ئه‌ڤێت بۆرى بخۆت، ب وى شه‌رتى دل ل سه‌ر نه‌بيت و ژ هه‌وجه‌ييێ نه‌بۆرينيت خودێ لێ ناگريت چونكى، ب راستى خودێ گونه‌هـ ژێبه‌ر و دلۆڤانه. و د سۆره‌تا به‌قه‌ره‌دا دبێژيت: (إِنَّمَا حَرَّمَ عَلَيْكُمُ الْمَيْتَةَ وَالدَّمَ وَلَحْمَ الْخِنزِيرِ وَمَآ أُهِلَّ بِهِ لِغَيْرِ اللَّهِ فَمَنِ اضْطُرَّ غَيْرَ بَاغٍ وَلاَ عَادٍ فَلا إِثْمَ عَلَيْهِ إِنَّ اللَّهَ غَفُورٌ رَّحِيمٌ) ب راستى خودێ، به‌س مرار و خوين يا رۆن و گۆشتێ به‌رازى و تشتێ نه‌بۆ خودێ هاتيه سه‌رژێكرن، ل سه‌ر هه‌وه حه‌رام كريه. به‌لێ هه‌ر كه‌سه‌كێ نه‌چار ببيته خوارنا ئه‌ڤان ژى، بێى دل تێ هه‌بيت و به‌س هه‌وجه‌ييا خۆ پێ بقه‌تينيت، چو گونه‌هـ ل سه‌ر نينه، ب راستى خودێ گونه‌هـ ژێبه‌ر و دلۆڤانه. و دبيت مه‌خسه‌دا پسيارێ بۆچى هاتيه حه‌رامكرن، بۆ ڤێ پسيارێ ئه‌ز دبێژم: دڤێت ئه‌م بزانين خودێ مه‌زن چو تشت ل سه‌ر مه حرام نه‌كرينه بۆ خێرا مه و به‌رژه‌وه‌نديا مه و هه‌وجه‌ييا مه نه‌بيت، نه‌حه‌رامكريه به‌س دا مه ژێ زڕباركه‌ت، و دبيت ئه‌م نهێنى و حيكمه‌تا پشت حه‌رامكرنێڕا بزانين و دبيت نه‌زانين و مه‌رج نينه ئه‌م ئه‌ڤرۆ بزانين، دبيت د پاشه‌رۆژێدا ئاشكرا ببيت به‌لێ دڤێت و فه‌ره ئه‌م باش و باش بزانين خودێ مه‌زن چو ئه‌مر و فه‌رمان نه‌داينه (ب حه‌لالكرن و حه‌رامكرنێ و ب كرن و نه‌كرنێ) بۆ ئينانا باشيه‌كێ و دانه‌پاشا خرابيه‌كێ نه‌بيت، و پێدڤيه ئه‌م هۆسا فه‌رمان و ئه‌مر و نه‌هيێت خودێ وه‌رگرين و تێبگه‌هين و بزانين نهێنى و حيكمه‌تا سه‌ره‌كى هه‌ر ئه‌ڤه‌يه. پاشى پشتى ڤێ هه‌كه مه نهێنى و حيكمه‌تا هوير زاني باشه و هه‌كه مه نه‌زانى ئه‌م دزانين خێر هه‌ر يا د ئه‌مرێ خودێدا و دڤێت ئه‌ز خۆ ته‌سليمى ئه‌مرێ خودێ بكه‌م، و راسته زانينێ چه‌ند ئه‌گه‌ر و نهێنيێت پشت حه‌رامكرنا گۆشتێ به‌رازى بۆ مه يێت ئاشكراكرين، دبيت ژبه‌ر هندێ بيت و دبيت ژبه‌ر هنده تشتێت دى بيت هێژ ئاشكرا نه‌بووينه و پاشه‌رۆژێ ئاشكراببن، يا فه‌ر ئه‌وه ئه‌م بزانين خودێ يێ حه‌رامكرى و بۆ خێرا مه يێ حه‌رامكرى، و خودێ چێتر دزانيت.
