ب / ئيسلام دينێ دلۆڤانيێيه، و دلۆڤانيه بۆ هه‌مى مرۆڤان، موسلمان و نه موسلمانان. به‌لێ.. دورسته سه‌ره‌دانا نه‌ساخێ نه‌يێ موسلمان بێته‌كرن، نه‌خاسمه هه‌كه ببيته ئه‌گه‌رێ هندێ وێنه‌كێ جوان ژ ئيسلامێ وه‌رگرن، به‌لگه پێغه‌مبه‌رى سلاڤێت خودێ ل سه‌ربن سه‌ردانا جويه‌كێ نه‌ساخ دا. بوخارى ژ ئه‌نه‌سى خودێ ژێ رازی بیت ڤه‌دگێريت دبێژيت: (كانَ غُلامٌ يَهُودِيٌّ يَخْدُم النبي صَلّى اللهُ عَلَيْهِ وسَلَّم، فمرِضَ فأَتَاهُ النَّبِيُّ صَلّى اللهُ عَلَيْهِ وسَلَّم يعُودهُ، فَقَعَدَ عِنْدَ رَأْسِهِ فقالَ لَهُ: « أَسْلِمْ » فنَظَرَ إِلى أَبِيهِ وهُو عِنْدَهُ؟ فقال: أَطِعْ أَبا الْقاسِمِ، فَأَسْلَم، فَخَرَجَ النَّبِيُّ صَلّى اللهُ عَلَيْهِ وسَلَّم، وَهُوَ يقولُ: « الحَمْدُ للَّهِ الَّذي أَنْقذهُ مِنَ النَّارِ) لاوه‌كێ جوهى ل ده‌ف پێغه‌مبه‌رى بوو سلاڤێت خودێ ل سه‌ربن خزمه‌تا وى دكر، نه‌ساخ بوو پێغه‌مبه‌ر سلاڤێت خودێ ل سه‌ربن هات سه‌را دا، ل ده‌ف سه‌رێ وى روينشته خوارێ و گۆتێ: موسلمان ببه، به‌رێ خۆ دا بابێ خۆ ل ده‌ف وى بوو؟ گۆتێ: گوهێ خۆ بده بابێ قاسمى (ئانكو پێغه‌مبه‌رى) ئينا موسلمان بوو، پێغه‌مبه‌ر سلاڤێت خودێ ل سه‌ربن ده‌ركه‌فت و وى دگۆت: شوكر بۆ خودايێ ئه‌و ژ ئاگرى رزگاركرى.
