ب / يا فه‌ره هه‌ميان ئاگه‌هـ ژ ئنيه‌تا خۆ هه‌بيت، و بزانن كا ئنيه‌تا وان چيه، چونكى هه‌مى كار و كريار ب ئنيه‌تانڤه د گرێداينه. هه‌روه‌كى پێغه‌مبه‌رێ خۆشتڤى سلاڤێت خودێ ل سه‌ربن د ڤه‌گێرا بوخارى و موسلميدا دبێژيت: (إنَّما الأَعمالُ بالنِّيَّات، وإِنَّمَا لِكُلِّ امرئٍ مَا نَوَى) ب راستى هه‌مى كار و كريار ب ئنيه‌تانه، و ب راستى بۆ هه‌ر مرۆڤه‌كى كا چ ئنيه‌ت ئينايه دێ ئه‌و بيت، ڤێجا هه‌كه ئنيه‌تا وان ئاخره‌ت نه‌بيت و ئاخره‌تێ ژ كارێ خۆ نه‌خوازن، وان بڤێت خه‌لك مه‌دحێت وان بكه‌ن و ده‌نگ و باسێت وان سه‌رآ گه‌شتێت ده‌نگ و باسان ده‌ركه‌ڤن، و په‌يكه‌رێت وان بێنه چێكرن، خودێ وێ دده‌تێ و ناڤ و ده‌نگێت وان دفڕن و وان ئه‌ڤه دڤێت، ڤێجا هه‌كه خودێ وێ بده‌تێ يا دڤێت بۆچى ئه‌ز و تو دێ خۆ نه‌رازى كه‌ين بێژين بۆچى رۆژا قيامه‌تێ د بێ به‌هرن. خودێ به‌حسێ موسلمانى و نه‌موسلماني ب ڤى ره‌نگى دكه‌ت: (فَمِنَ النَّاسِ مَن يَقُولُ رَبَّنَآ ءَاتِنَا فِى الدُّنْيَا وَمَا لَهُ فِى الاٌّ خِرَةِ مِنْ خَلَاقٍ وِمِنْهُم مَّن يَقُولُ رَبَّنَآ ءَاتِنَا فِى الدُّنْيَا حَسَنَةً وَفِي الاٌّ خِرَةِ حَسَنَةً وَقِنَا عَذَابَ النَّارِ أُولَائِكَ لَهُمْ نَصِيبٌ مِّمَّا كَسَبُواْ وَاللَّهُ سَرِيعُ الْحِسَابِ) و هنده‌ك مرۆڤ يێت هه‌ين دبێژن: خودايێ مه، د دنيايێدا بده مه و د ئاخره‌تێدا وان چو بار و پشك نينن، و هنده‌ك ژى ژ مرۆڤان يێت هه‌ين دبێژن: خودايێ مه تو د دنيايێدا قه‌نجيێ دگه‌ل مه بكه و د ئاخره‌تێدا ژى ، و مه ژ ئيزا و نه‌خۆشيا ئاگرێ دۆژه‌هێ بپارێزه، و ڤان ژبه‌ر كار و كريارێت وان كرين بار و پشك ژ خێرێ يێت هه‌ين و خودێ د حيسابێدا يێ ده‌ست سڤكه، و خودێ چێتر دزانيت.
