ب / ده‌سهه‌لات دڤێت بزانيت ئه‌و يا به‌رپسياره ژ هه‌مى كه‌س و ته‌كێت ژێر ده‌ستێ وان و ئه‌م يێت ستويێ واندا، دڤێت دين و دنيا وان بپارێزن، چونكى پێغه‌مبه‌رێ خودێ سلاڤێت خودێ ل سه‌ربن د حه‌ديسا بوخارى و موسلميدا دبێژيت: (كُلُّكُمْ راعٍ، وكُلُّكُمْ مسئولٌ عنْ رعِيَّتِهِ، والأَمِيرُ رَاعٍ، والرَّجُلُ راعٍ علَى أَهْلِ بَيْتِهِ، والمرْأَةُ راعِيةٌ على بيْتِ زَوْجِها وولَدِهِ، فَكُلُّكُمْ راعٍ، وكُلُّكُمْ مسئولٌ عنْ رعِيَّتِهِ) ئانكو: هوين هه‌مى چاڤدێر و پارێزه‌رن، و هوين هه‌مى به‌رپرسن ژ يێت ژێر چاڤدێريا خۆ، مير و سه‌رۆك چاڤدێر و پارێزه‌ره، و زه‌لام ل سه‌ر خه‌لكێ مالا خۆ چاڤدێر و پارێزه‌ره، ژن د مالا زه‌لامێ خۆ و بچوكێت ويدا چاڤدێر و پارێزه‌ره، ڤێجا هوين هه‌مى چاڤدێر و پارێزه‌رن، و هوين هه‌مى به‌رپرسن ژ يێت ژێر چاڤدێريا خۆ.
ڤێجا فه‌ره ل سه‌ر ده‌سهه‌لاتێ چاڤدێريه‌كا باش بكه‌ت و نه‌هێليت تشتێت حه‌رام بێنه ناف مله‌تى، و هه‌كه هاتن و ژ سستى و بێ خه‌ميا وێ هنگى ئه‌و يا گونه‌هكاره نه هاوه‌لاتى، و هه‌كه چاڤدێرى و زێره‌ڤاني هه‌بيت ل سه‌ر هه‌ر تشته‌كێ ژ ده‌رڤه بهێت و ژێده‌ر د ئاشكرا و نياس بن هنگى هه‌رگاڤا ته ئه‌ڤ نڤێسانه ديت باوه‌ر ژێ بكه و بخۆ، ب ئانه‌هيا خودێ يێ حه‌لاله، و خودێ چێتر دزانيت.
