ب / چو مانع و نه‌هێلێت شه‌رعى نينن، گه‌له‌ك پارت و حزب هه‌بن، چونكى ئه‌ڤێ چه‌ندێ ده‌قێت راست و دورست دڤێن، و ئه‌ڤه نينه، به‌لكى ئه‌ڤرۆ دا ژ حوكمێ تاكه‌كه‌سى و ئستيبداد و دكتاتۆريه‌تێ رزگار ببين، دڤێت پتر ژ پارت و حزبه‌كێ هه‌بن، چونكى ئه‌م دبينين هه‌رجهێ ئێك پارت تنێ حكومداريێ دكه‌ت، يا خۆ ل سه‌ر گه‌ل و مله‌ت و سه‌روسامانێ مله‌تى سه‌پاندى، و ده‌ستكاريێ ـ وه‌كى دڤێت ـ تێدا دكه‌ت، و ب تاكه‌بۆچۆن و ره‌ئيێ حوكمرانيێ دكه‌ت، و ئه‌ڤه نه د به‌رژه‌وه‌ندا گه‌ل و وه‌لاتيدايه، به‌س فه‌ره، ئه‌ڤ پارته ل سه‌ر هنده بيروباوه‌ر و بنه‌ما و بهابلندان كۆم ببن، ژ وان: كه‌س دژمنيا ئيسلامێ نه‌كه‌ت، و باوه‌رى ب ئيسلامێ هه‌بيت.. بلا هه‌رئێكێ تيِگه‌هشتنكا خۆ يا جودا و تايبه‌ت بۆ ئيسلامێ هه‌بيت، ديسا كه‌س ژ وان دارده‌ستێ هنده‌كێت ده‌رڤه نه‌بن، و دژى بهابلندێت جڤاكى بن، و كاربكه‌ن بۆ نه‌هێلانا سنج و ئه‌خلاقان، و دان ستاندن رێكا ئێكانه و سه‌ره‌كى بيت، بۆ د ئێكدوو گه‌هشتنێ، و ئه‌م دزانين ئيسلامێ شێوازێ سيسته‌مێ حوكمرانيێ ده‌ستنيشان تخويبنه‌كريه؛ دا ئێك شێواز و ره‌نگ بگرين، و چو رێكێت دى نه‌گرين.. هه‌ر شێوازه‌كا داد و عه‌داله‌تێ په‌يدادكه‌ت سيسته‌مكێ شه‌رعيه و يێ دورسته، فره‌حزباتى و هه‌رێك پرۆژێ خزمتكرن و خزمه‌تگوزاريێ پێشكێشى مله‌تى بكه‌ت، و مله‌ت يێ بڤێت بهه‌لبژێريت ئه‌ڤه ئارمانجێت سه‌رده‌م و هه‌ڤچه‌رخ دێ ئيننه جهـ، و خودێ چێتر دزانيت.
