ب : دبنیاتدا دورسته ژن ب جوانكرنا ژنێ رابیت، نه‌خاسمه بۆ بیكاتیێ، هندی زێده‌گاڤی ل سه‌ر شه‌رمینگه‌هێ نه هێته‌كرن، دایكا مه موسلمانان عائیشا خودێ ژێ رازی بیت دڤه‌گێرا بوخاریدا دبێژیت ده‌مێ ئه‌ز بۆ پێغه‌مبه‌ری سلاڤێت خودێ ل سه‌ربن هاتیمه ڤه‌گوهازتن، دایكا من ئوم رومان ئه‌ز برمه ده‌ف ژنه‌كێ ناڤێ جومه‌یمه‌یه و هند كچ ل ده‌ف بوون سه‌روچاڤێت من شوشتن و كارێ من كرن و پرچا من شه‌كرن و پاشی پێغه‌مبه‌ر هاته ژورا من.
ژ ڤێرێ ئه‌ز ژنان شیره‌تكه‌م ل مالێت خۆدا ب كارێ چوانكاریێ رابن و ئه‌و بۆ ئیك و دوو چێكه‌ن؛ چونكی چونا سالونان مه‌ترسی تێدا هه‌یه ژ وان وێنه‌یێت وێ بێنه‌گرتن، و مرۆڤێت نه‌باش ل سه‌ر شه‌رمینگه‌ها وێ هه‌لببن، شه‌رمینگه‌ھ د وان سالونانڤه دهێنه ئاشكراكرن ب هجه‌تا ده‌رئێخستنا مییت نه‌خوازتی، ژ بلی ڤێ هه‌میێ پێغه‌مبه‌ر سلاڤێت خودێ ل سه‌ربن دبیژیت: (أيما امرأة وضعت ثيابها في غير بيت زوجها فقد هتكت سترها فيما بينها وبين الله عز وجل) هه‌رژنه‌كا جلكێت خۆ نه ل مالا زه‌لامێ خۆ بێخیت وێ په‌ردا ل ناڤبه‌را خۆ و خودیدا راكر، ڤێجا فه‌ره ژن ده‌رڤه‌ی مالا زه‌لامێ خۆ جلكێت خۆ نه ئێخیت و هه‌كه ههر چو سالونێ دڤێت ب ڤان مه‌رجان بیت:
ئێك: یا ب كارێ جوانكاریێ رادبیت دڤێت یا موسلمان بیت دا یا نه موسلمان ب سه‌ر جوانیا وێ و شه‌رمینگه‌ها وێ هه‌لنه‌بیت.
دوو: دڤێت پشتراست پشتراست بیت زه‌لام ناهێنه ژۆرڤه و وان ببینن.
سێ: دڤێت پشتراست پشتراست بیت كامیره نه یێت داناینه و وێنه بینه‌گرتن و وان های ژ خۆ نه.
چوار: دڤێت چ ره‌نگێ جوانیا حه‌رامكری پێنه‌رابیت وه‌كی بروی زراڤكرنێ یان پرچ درێژكرنێ یان ده‌ق دانانێ و دانانا جوانیا بێ ره‌وشت پێ ناڤدار.
پێنج: هه‌كه یا شیكری بیت بێ ده‌ستوریا زه‌لامی نابیت بچویت.
شه‌ش: دڤێت پشتراست پشتراست بیت ئه‌وێت وێرێ كاردكه‌ن دئه‌مینن و سالوخه‌تا وێ ناكه‌ن و بۆ بیانیان ره‌وشبكه‌ن.
حه‌فت: شه‌رمینگه‌ها خۆ ب پارێزیت و ئاشكرا نه‌كه‌ت.
هه‌شت: جوانكاریا ژ توخیبان نه بورینیت و ئیسرافێ تێدا نه‌كه‌ت.
نه‌ھ : پاره‌كێ مه‌زن ل جوانكاریێ نه‌ده‌ت ئیسراف بێته هه‌ژمارتن.
و ل گه‌ل ڤان مه‌رجان هه‌میان ژی ئه‌ز وان شیره‌تناكه‌م ب چنه ڤان سالونان؛ چونكی راستی گونه‌ھ تێدا دهێنه‌كرن و ئه‌و تشتێ خودێ پێ نه‌خوش ژ جوانكاریا حه‌رام تێدا دهێته‌كرن، و توخێبیت خودێ تێدا نه دپارازتینه یا ب عاقل بیت ناچیته ڤان جهان و خودێ چێتر دزانیت.
