ب : مفا وه‌رگرتن و مفاخوازی ژ ته‌كنولوجیا سه‌رده‌م تشته‌كێ باشه، و كاره‌كێ جوانه ئه‌م شیره‌ت و ئاخفتنێت مفادار دناڤبه‌را ئێكدوودا بگوهرین، و شیره‌تان ل ئێكدوو بكه‌ین، و هه‌كه ئێك ب شیره‌تا ته راسته‌رێبوو ئه‌ڤه تۆ گه‌هشتیه خه‌لاته‌كێ مه‌زن، بۆته باشتره ژ دونیایێ و هندی د دونیایێدا، و باشه ئه‌م ڤان جهان بۆ خێرێ ب كاربینین و به‌رێ خه‌لكی تێدا بده‌ینه خێرێ، و خێرێ تێدا نیشا خه‌لكی بده‌ین، به‌لێ ئه‌و تشتێ ئه‌م دهنێرین دڤێت مه ئاگه‌ھ ژ خۆ هه‌بیت یێ دورست بیت، نا بیت هه‌ر تشتێ هه‌بیت ئه‌م بهنێرین، دڤێت بزانین كا یێ دورسته یان نه، و نه دورسته ئه‌م هه‌ڤالێ خۆ ب ده‌ینه سویندێ ئه‌و نامێ ل ده‌ف خۆ نه‌هێلیت و بۆ هنده‌كێت دی ب هنێریت، و هه‌ر كه‌سێ نا مه‌كا هوسا بگه‌هیتێ بێژیتێ ل ده‌ف خۆ نه‌هێله و بۆ هنده كه‌سان بهنێره، یان ئه‌ز ته د ده‌مه سویندێ هه‌كه تو بۆ هندا نه هنێری، یان هه‌كه تو حه‌ژ خودێ و پێغه‌مبه‌ری بكه‌ی تۆ ل ده‌ف خۆ ناهێلی و دێ بو غه‌یری خۆ هنێری، یان تو بهنێرێ دێ ده‌نگ و باسه‌كێ دلخوش گولێبی، و هه‌كه نه هنێری دێ ده‌نگ و به‌حه‌سه‌كێ دلگران گولێبی، ئه‌ڤ ره‌نگێت ناما ل سه‌ر ته واجب نینه تۆ گوهێ خۆ بده‌یێ و ئه‌ڤێت دبێژیت هه‌كه بهنێری دێ ئه‌ڤه چێ بیت و هه‌كه نه هنێری دێ ئه‌ڤه چێ بیت ئه‌ڤ ره‌نگه نامه دره‌ون و بێ بنیاتن و نابیت مرۆڤ گوهێ خۆ بده‌تێ بهنێریت بلا ناڤه‌روك یا دورست ژی بیت ماده‌م یا گریداییه ب وی مه‌رجێ بێ بنیات و خودێ چێتر دزانیت.
