ب : ته‌سویق شه‌به‌كی ئه‌وه بێ ریكلام و بێ واسته‌كاری ئێكسه‌ر متای ژ كومپانیێ بكریت و بكر رێكلامێ ب ده‌ڤوكی بۆ بكه‌ت به‌رامبه‌ر حه‌قده‌سته‌كێ و ب ڤی ره‌نگی: هه‌تا ئه‌ز ببیمه وه‌كیلی كومپانیایێ دڤێت ئه‌ز ئێك ژ متا یێت كومپانیایێ یێ ده‌ستنیشانكری بكرم ( خامه یان سه‌عه‌ت ) ب بهایه‌كێ ژ لایێ كومپانیێڤه هاتیه دانان و نه جهێ دان و ستاندن و لێ زڤرینێنه و دبیت ئه‌و بها یێ بلند بیت وبكر نا بیته وه‌كیل هه‌تا ئه‌وه متا ب بهایه‌كێ ئاشكرا نه كریت بۆ نمونه هه‌تا بایێ هزار دولاران نه‌كریت پشتی دبیته وه‌كیل دێ ڤان متایان بۆ غه‌یری خۆ و هه‌ڤالێت خۆ ده‌ته نیاسین و به‌رچاڤكه‌ت دوو كه‌سان دڤێت هه‌ر دوو هندی وی متایان بكرن و هه‌ڤسه‌نگی دڤێت دناڤبه‌را واندا په‌یدا ببیت، هه‌تا ئه‌و هه‌ژی دیاریا خۆ ببیت
ته‌سویقا شه‌به‌كی ئه‌وا مه‌رج تێدا بكر متایه‌كێ یان دورستكریه‌كێ كومپانیێ ئه‌ڤێت دبێژنێ ته‌سویق هه‌ره‌می یان شه‌به‌كی وه‌كی كومپانیا بزناس و كیونیت یان هیبه‌تلجه‌زیره كو كارێ وان ئه‌ڤه‌یه بكری قایلكه‌ن متایێ وان بكریت ب مه‌رجه‌كێ ئه‌و رابیت هنده‌كێت دی قایلكه‌ت وان متایان ب كریت ب هنده مه‌رجێت تایبه‌ت به‌رامبه‌ر كوژمه‌كێ پاره‌ی ژ كومپانیێ دێ بۆ هیته دانان و هندی ئه‌و پتر خه‌لكی قایلكه‌ت بتر ئه‌و كوژمه دێ بۆ هێته دانان.
گه‌لكه ده‌زگه‌ھ و زانایان ئه‌ڤ كریاره حه‌رامدانیه و نه‌دورست دایه زانین ژ وان:
ئێك: لجنه‌یا به‌رده‌وام یا ڤه‌كولینێت زانستی و فه‌توایێ ل سعودی.
دوو: كوملگه‌ها فقهی یا سودانی.
سێ: كومه‌لگه‌ها فقهی یا عیراقی.
چوار: ده‌زگه‌هێ فه‌توا یا فلسطینی.
پێنج: فه‌توا تورا ئیسلامی.
شه‌ش: لجنا فه‌توا ئوردنێ.
حه‌فت: ده‌زگه‌هێ فه‌توایا مصری.
هه‌شت: فه‌توا ڤان زانایان : (د. يوسف الشبيلي، د. سامي السويلم راوێژكارێ كومپانیا راجحی، د.عبدالله الطيار، د.أحمد الحجي الكردي، د. حسين شحاتة، الشيخ محمد صالح المنجد، د.أحمد السهلي، د.إبراهيم الضرير، د.عبد الحي يوسف، الشيخ يحيى الزهراني، شيخ محمود عكام، د.سعود الفنيسان راگرێ كولژا موحه‌مه‌د بن سعود، د. نوح سلمان موفتیێ ئوردنێ).
و ئه‌گه‌رێ سه‌ره‌كێ یێ حه‌رامیێ هه‌ر ژ ده‌ستپێكێ متا نه یێ مه‌به‌ستداره به‌لكی قازانج یێ مه‌به‌ستداره هه‌روه‌كی پاره‌كێ ددانیت دا بگه‌هیته پاره‌كێ دی و هه‌می هه‌ڤپپشك هه‌ر ب ڤێ ئنیه‌تێ پشكداریێ دكه‌ن و ئه‌ڤه قومار ب خۆیه و دیسا (75%) بكر دخوساره‌تن و كومپانیا یا قازانجكاره چونكی مه‌رجێت وان یێت ب زحمه‌تن و زوی ب زوی نا هێنه جیھـ ژبه‌ر ئه‌ڤا بوری ئه‌ز بوچونا دبێژیت هه‌ڤكاری (ته‌عامل) ل گه‌ل ڤان كومپانیا یا حه‌رامه دورستتر دبینم و خودێ چێتر دزانیت.
