ب : خودایێ مه‌زن پتر ژ ژنه‌كێ بو زه‌لامی دورستنه‌كریه ب مه‌رجێ خۆ نه‌بیت و هه‌رگاڤا ئه‌و مه‌رج نه‌هاته جیھـ هنگێ فره‌ژنی نه یا حه‌لاله و نه یا دورسته، چونكی بنیات دئیسلامێدا ئێك ژنیه نه فره‌ژنیه و ئه‌و مه‌رج ژی ئه‌ڤه‌یه دادوه‌ریێ و عه‌داله‌تێ د ناڤبه‌را واندا بكه‌ت و هه‌رگاڤا ترسیا نه‌شێت ڤی مه‌رجی ب جھـ بینیت بو وی دورست نینه ئه‌و ژنا دویێ بینیت خودایێ مه‌زن دبێژیت: (وَإِنْ خِفْتُمْ أَلَّا تُقْسِطُوا في الْيَتَامَى فَانْكِحُوا ما طَابَ لَكُمْ من النِّسَاءِ مَثْنَى وَثُلَاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً) و زانین و ده‌ستویریا ژنا ئێكێ نه مه‌رجه و نه فه‌رزه، به‌لێ ره‌وشت به‌رزی دخوازیت ژنا ئیكێ رازیكه‌ت ب هه‌ر ره‌نگه‌كێ هه‌بیت دا نه كێشیته گرفت و ئالوزیان به‌لێ یادویێ دڤێت بزانیت ئه‌و یێ ب ژنه یان نه و هه‌كه ئه‌ڤه لێ ڤه‌شارت هه‌تا ئینای ئه‌ڤه وی خیانه‌ت لێ كر و بو یا دویێ هنگی هه‌یه گرێبه‌ستێ ب هه‌رفینیت چونكی خیانه‌ت لێ هاته‌كرن و لێ هاته ڤه‌شارتن ئه‌و یێ ب ژنه و خودێ چێتر دزانیت.
