ب / حوكم و فه‌رمانا چۆنا ده‌رڤه ژ مرۆڤه‌كى بۆ مرۆڤه‌كى جودايه، ئه‌و مرۆڤێ هێژ ل ڤێرێ و ناف كه‌س و كارێت خۆ و د ناف موسلماناندا و هێژ كراسێ شه‌رمێ نه‌هاڤێتى يێ خراب بيت، و رێكا خراب گرتبيت و به‌رده‌وام هه‌ڤالێ خراب و خرابكارانه.. ئه‌ڤێ هۆسا نيشان ل سه‌ر هندێنه دێ خرابتر لێ هێت، له‌وا چۆنا ژده‌رڤه بۆ ڤى مرۆڤى نه‌يادورسته و دڤێت كه‌س و كار و ده‌يبابێت ڤى مرۆڤى هاريكار نه‌بن و هاريكاريا وى نه‌كه‌ن و دوعا ژى بۆ نه‌كه‌ن، و هه‌كه وه‌نه‌كرن و هاريكاريا وى كرن و چۆ ژده‌رڤه و خرابتر لێ هات هنگى دبيت هه‌مى د گونه‌ها ويدا د هه‌ڤپشك بن، چونكى خودێ مه‌زن دبێژيت: (( وَلَا تَعَاوَنُوا عَلَى الْإِثْمِ وَالْعُدْوَانِ))و ل سه‌ر گونه‌هـ و ده‌ست درێژيێ هاريكارێت ئێك نه‌بن، به‌لێ ئه‌وێ ژ خۆ پشت راست بيت هند زانينا هه‌ى نه‌هێته خاپاندن و گۆمان د دينێ ويدا بۆ چێنه‌بن و هند دينى و خودێ ترسى و ته‌قوا يا هه‌ى سه‌ردا نه‌چيت و نه‌هێته ته‌حساندن و سه‌ردانه‌چيت و هه‌وجه‌يى ژى بۆ ده‌رڤه يا هه‌ى.. بۆ يێ هۆسا دورسته بچيته ده‌رڤه ببيته نوينه‌رێ دينێ خۆ و دا ببيته قورئانه‌كا ده‌نگدار د ناف خه‌لكيدا و ب رێڤه‌چۆن و سه‌ره‌ده‌ري و ئه‌خلاقێ خۆ ئيسلاما خۆ نيشا وان بده‌ت، ئه‌ڤێ هۆسا بلا هه‌مى د هاريكاربن د چۆنا ويدا، به‌لێ هه‌تا يێ هۆسا ژى هه‌رگاڤا زانى دينآ وى يێ گه‌فلێكريه و دبيت ژ ده‌ست بچيت دڤێت هنگى ئه‌و قوربانيێ ب دينێ خۆ نه‌ده‌ت و دينێ خۆ بگريت و بپارێزيت، و هه‌ردووكێت بۆرى دڤێت بزانن نه به‌س ئه‌و به‌رپرسيارن ژ خۆ ب تنێ به‌لكى به‌رپرسيارن ژ زارۆكێت خۆ ژى هه‌كه ژ خۆ د پشتراست و ئێمن بن و ژ زارۆكێت خۆ نه د پشتراست و ئێمن بن و ترسيان زارۆكێت وان ژ ده‌ستێت وان ده‌ركه‌ڤن، هنگى دڤێت بزانن بۆ وان نه‌دورسته ئه‌و ژده‌رڤه بمينن، چونكى دين و پاراستنا دينى ئێك ژ ئارمانجێت ئيسلامێ يێت سه‌ره‌كينه، و خودێ چێتر دزانيت.
ب : دڤێت دایباب باش بزانن پشتراستكرن و مسوگه‌ركرنا دورست یا پاشه‌رۆژا زاروكان نه دهندێرایه ژیانا وان یا دونیایێ یا كورت به‌رامبه‌ر قیامه‌ت و ئاخره‌تێ و ئاخره‌ت ژ ده‌ست بچیت و كا چاوا دایباب ژ خۆ به‌رپرسن و دڤێت خۆ ژ ئاگری بپارێزن هوسا دڤێت ئه‌و زاروكێت خۆ ژی بپارێزن، خودایێ مه زن دبێژیت: (ياأَيُّهَا الَّذِينَ ءَامَنُواْ قُواْ أَنفُسَكُمْ وَأَهْلِيكُمْ نَاراً وَقُودُهَا النَّاسُ وَالْحِجَارَةُ عَلَيْهَا مَلَائِكَةٌ غِلاَظٌ شِدَادٌ لاَّ يَعْصُونَ اللَّهَ مَآ أَمَرَهُمْ وَيَفْعَلُونَ مَا يُؤْمَرُونَ) ئیمامێ عومه‌ر خودێ ژێ رازی بیت گۆت: یا پێغه‌مبه‌رێ خودێ دێ چاوا وا پارێزین؟. گۆت: هوین ب وێ یا فه‌رمانا هه‌وه پێ هاتیه‌كرن فه‌رمانێ ل وان بكه‌ن، و هوین نه‌هیا وان ژ وی تشتی بكه‌ن یا نه‌هیا هه‌وه ژێ هاتیه‌كرن، ودیسا پێغه‌مبه‌ر ژی سلاڤێت خودێ ل سه‌ربن دبێژیت: (كلكم راع وكلكم مسؤول عن رعيته) هوین هه‌می به‌رپرسن و هوین هه‌می ژ ژ وان ژی به‌رپرسن یێت به‌ر ده‌ه‌ستێ هه‌وه، ئایه‌تا بوری و حه‌دیس دیاره‌دكه‌ن دایباب ب ئه‌ركێ خۆ نه رابوون، هه‌كه وان ئاگه‌ھ ژ خۆ هه‌بیت و خه‌مێ ژ خۆ بخۆن و خۆ بپارێزن و زاروكێت خۆ نه‌پارێزن و خه‌مێ ژێ نه خۆن و ئاگه‌ھ ژێ نه‌بیت، وئه‌وێت عه‌یالێت وان ل ئه‌ورۆپا ژ ده‌ستده‌ركه‌فتین بلا ژ خۆ بترسن و ئه‌گه‌رێ سه‌ره‌كی ئه‌و بوون ده‌می بو هنده متا و په‌رتالا دونیایه‌كا كێم زراوكێت خۆ ئێخستینه د ژینگه‌هه‌كا نه‌هاریكاردا خۆ تێدا بپارێزن، به‌لكی به‌رۆڤاژی هه‌می تشت وی ژینگه‌هی هاریكار و پالده‌رن بۆ خرابیێ و دین هێلانێ و دین نه‌گرتنێ و مه‌ته‌لا وان دایبابان ئه‌وێت عه‌یالێ خۆ هێلاینه دویف جاده و خاندنگه‌ھ و ده‌زگه‌ھ و دامه‌زریێت ده‌رڤه، وه‌كی وییه یێ ئێكێ ده‌ست و پیان لێ بگرێده‌ت و پاڤێژیته د ئاڤێدا و بێژیتێ. هشیار هشیار بی ته‌ر نه‌بی، ئها ئه‌ڤه مه‌ته‌لا ڤان دایبابانه عه‌یالێ خۆ ب هێڤیا رحما ره‌وشه‌نبیریا ده‌رڤه هێلاینه و دبێژنێ هشیاربن خراب نه‌بن ، هند بۆ ڤان دایبان دورسته ژ ده‌رڤه بمینن هندی ئه‌و خۆ بپارێزن و نه به‌س ئه‌ڤه دڤێت پشت راستی زاروك و عه‌یالێ خۆ ژی بن و دڤێت پشت راستی كور و كچێت خۆ ژی بن، و هه‌كه ئه‌و ژ دینێ خۆ یان یێ زاروكێت خۆ ترسیان هنگی نه‌دورسته ئه‌و بميننه ل وێرێ، ئه‌وێت نه‌شێنه زارۆكێت خۆ، و زارۆك دێ ژ ده‌ستێت وان ده‌ركه‌ڤن، دڤێت ئه‌و زوى سه‌رخاترا دينێ خۆ؛ دا زارۆكێت وان سه‌ردا نه‌چن ئێك رۆژ ژى نه‌مينن پشتى بۆ وان ئاشكرا بووى هندى ئه‌و ل وێرێ بن دێ زارۆكێت وان هه‌ر د خراب بن، و چو هێجه‌ت وان نينه بێژن مانێ ئه‌م نه‌شێينێ.. و يا ژ ڤێ خرابتر ئه‌و عه‌يالێ خۆ دهێلن و دزڤرن ب هێجه‌تا وێرێ نه‌جهێ وانه و ئه‌و نه‌شێن ل وێرێ بن. باشه پا چه‌وا چێدبيت هوين عه‌يالێ خۆ بهێلنه ل وێرێ، و خودێ چێتر دزانيت.
