پرسێت هەڤچەرخ

ب : ئه‌ڤه‌ جهێ لێكجودابوونێیه دناڤبه‌را زانایاندا ئه‌و زانایێت دبینن هه‌رتشتێ پێغه‌مبه‌ری سلاڤێت خودێ ل سه‌ر‌بن نه‌كربیت و بلا فه‌رمانه‌كا گشتی ژی پێ دابیت و بلا بنه‌تارێ خۆ ژی هه‌بیت ل ده‌ف وان بیدعه‌یه‌ و نه‌ دورسته‌ و هه‌ركه‌سێ ئه‌ڤ دیتنه‌ هه‌ی و نوینه‌راتیا ڤێ خواندنگه‌هێ دكه‌ت ئه‌ڤ بوچونه‌ یا هه‌ی كو ئه‌ڤه‌ بیدعه‌یه‌ و نه‌دورسته‌، و گه‌له‌ك زانایێت دی بیدعه‌ نا بینن د ودبێژن ماده‌م بنته‌تارێ خۆ هه‌یه‌ چونا ده‌ستی سونه‌ته‌ و دوعاكرن كاره‌كێ باشه‌ دورسته‌ و چو تێدا نینه‌ ژ وان زانایان ئیمامێ نوه‌وی خودێ ژێ رازی بیت و بن باز خودێ ژێ رازی بیت دبێژیت: هه‌كه‌ به‌ری نڤێژێ نه‌ دیتبن چونینه‌ ب چیته‌ ده‌ستێ وان و وێ دوعایێ بكه‌ت ب ئنیه‌تا لێكنێزیكبون و دلخوشكرنێ و دیسا بن عثێمین ژی خودێ ژێ رازی بیت دبێژیت: هه‌كه‌ ئنیه‌تا هندێ نه‌بیت ئه‌ڤه‌ سونه‌ته‌ چونینه‌، و ب راستی ئه‌ز بوچونا نه‌وه‌وی دورستتر ددانم و ئه‌ڤه‌ نا كه‌ڤیته‌ بن بیدعێڤه‌ چونكی سلاڤ حوكمێ وێ سونه‌ته‌ و چونا‌ ده‌ستی ژی سونه‌ته‌ و ئه‌ڤه‌ ژی گه‌هشتنه‌ ئێكه‌ و پێغه‌مبه‌ر سلاڤێت خودێ ل سه‌ربن د ڤه‌گێرا ئه‌بوداود و ئبن ماجه‌ و ترمذیدا ژ به‌رائێ كورێ عازبی خودێ ژێ رازی بیت، دبێژیت: (ما من مسلمين يلتقيان فيتصافحان إلا غفر لهما قبل أن يفترقا) نینه‌ دوو موسلمان ب گه‌هنه‌ ئێك و ب چنه‌ ده‌ستێ هه‌ڤ هه‌كه‌ خودێ گونه‌هێت وان به‌ری ژێكڤه‌ ببن نه‌ غه‌فرینیت و ژێ نه‌به‌ت و خودێ چێتر دزانیت.