ب : ده‌ستپێكێ دوعا ژ خودێ دكه‌ين مه بپارێزيت، و چ رويدانا ب ده‌ستێ مه نه‌ئينيت، و ئه‌م هه‌تا چ گيانه‌وه‌ران ژی نه كوژين و خودێ مه ژ به‌لا و رویدانێت نه‌خوش دویربێخيت، و كا دێ كه‌فاره‌تا كوژتنا ب خه‌له‌تيڤه ده‌ت يان نه هه‌كه ب خه‌له‌تیڤه ئێكێ نه موسلمان ب ده‌ستێ ته هاته كوژتن ئێزيدي يان فه‌له يان هه‌ر دينه‌كێ هه‌بيتدی بیت، زانا ل سه‌ر كه‌فاره‌ت دانا وى د ژێك جودانه ل ده‌ف مالكيان و حه‌سن به‌صري كه‌فاره‌تێ، كو كه‌رده‌ن ئازاكرنا به‌نده‌يه‌كێيه و هه‌كه ب ده‌ست نه‌كه‌فت رۆژيگرتنا دوو هه‌يڤانه ل سه‌رێك بێ ڤه‌قه‌تيان ناده‌ت و به‌لگه‌يێ وان تێگه‌ها ڤێ ئايه‌تێيه(ومن قتل مؤمنا خطأ فتحرير رقبة مؤمنة) ئانكو كه‌فاره‌ت ل سه‌ر وى نينه، يێ نه موسلماني ب خه‌له‌تيڤه ب كوژيت، به‌لێ بوچونا جمهوری و پتريا زانايان هه‌روه‌كي ئبن قودامه خودێ ژێ رازى د موغنييدا دبێژيت ل گه‌ل هندێیه دێ كه‌فاره‌تێ ده‌ت چ كوژتي موسلمان بيت يان نه موسلمان بيت؛ چونكي ئايه‌ت ڤێ دبێژيت : (وَإِن كَانَ مِن قَوْمٍ بَيْنَكُمْ وَبَيْنَهُمْ مِّيثَاقٌ فَدِيَةٌ مُّسَلَّمَةٌ إِلَى أَهْلِهِ وَتَحْرِيرُ رَقَبَةٍ مُّؤْمِنَةً فَمَن لَّمْ يَجِدْ فَصِيَامُ شَهْرَيْنِ مُتَتَابِعَيْنِ تَوْبَةً مِّنَ اللَّهِ وَكَانَ اللَّهُ عَلِيماً حَكِيماً) و ئه‌ڤ بوچونه ئيمامێ طه‌به‌ري و ئبن كه‌ثير و قورطوبي د ته‌فسيڕيت خودا هه‌لبژارتيه و ئه‌ڤ بوچونه يا دورسته چونكي حيكمه‌ت ژ كه‌فاره‌تێ مرۆڤ ئيحتياطێ وه‌رگريت و زێده ئاگه‌هـ ژ خۆ هه‌بيت و مه‌به‌ست پێ پاككرن و پاقژكرنا بكوژێ خه‌لتكاره و خودێ چێتر دزانیت.
ب : رامانا ئایه‌تێ ب گشتی ئه‌ڤه‌یه خودایێ مه‌زن دبێژیت: ب ڕاستی خودێ دزانیت كا قیامه‌ت كه‌نگی دێ هێت، و ئه‌وه بارانێ دئینیت، و دزانیت چ م مالبچویكاندایه به‌ری ببیته مرۆڤ و ب روح بكه‌ڤیت، و كه‌س نوزانیت كا سوبه‌هی چ دێ ئێته سه‌ری، و كه‌س نو زانیت كا ل كیرێ و ل كیڤه دێ مریت، ب ڕاستی خودێ زانا و شاره‌زایه، و ئه‌ڤه ئه‌و پێنج كارن یێت ڤه‌شارتی و یێت كه‌س نه‌زانیت ژ خودایێ مه‌زن نه‌بیت، هه‌ره‌وكی ئه‌ڤه د حه‌دیسێت د ورستدا هاتی، د ڤه‌گێرا بوخاریدا هاتیه پێغه‌مبه‌ر سلاڤێت خودێ ل سه‌ربن دبیژیت: (مَفَاتِيحُ الْغَيْبِ خَمْسٌ) پاشی ئه‌ڤ ئایه‌ته خواند : (إِنَّ اللَّهَ عِندَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِى الاٌّ رْحَامِ وَمَا تَدْرِي نَفْسٌ مَّاذَا تَكْسِبُ غَداً وَمَا تَدْرِى نَفْسٌ بِأَيِّ أَرْضٍ تَمُوتُ) و چ هه‌ڤركی دناڤبه‌را زانین و ئایه‌تێدا نینه؛ چونكی د زمانیدا جوداهیه‌كا هه‌ی دناڤبه‌را (من) و (ما) دا (من) بو عاقلداری دهێت و (ما) بۆ نه عاقلداری دهێت، و ده‌مێ خودێ دبێژیت (ویعلم ما فی الارحام) مه‌خسه‌د ژێ به‌رێ ببیته مروڤ ده‌ستپێكا حه‌ملێ، و زانین ره‌گه‌زێ نزانیت هه‌تا قوناغا چپكێ چل رۆژ نه‌بورن؛ چونكی بچویك ده‌ستپیكێ ده‌مێ چل رۆژان، شه‌ش حه‌فتیان چپكه، نه نێره و نه مێیه، و پشتی حه‌فتیا شه‌شێ، یه‌للا زانین بشێت ره‌گه‌زی ئاشكراكه‌ت و بزانیت و ئه‌و ژی نه پشتراستی؛ چونكی د وێ قوناغێدا پارچه‌كا خوینێیه، دبێژنێ پارچه خوین (عه‌له‌قه) و دڤێ قوناغێدا زانین دبێژیت هه‌ردوو ئه‌مرازێت مرۆڤان پێڤه‌نه، پویچ پویچه ئێك ل سه‌ر یێ دی زال دبیت و هه‌تا هه‌یڤا چوارێ، ئێك به‌رزه دبیت، و ئێك ئاشكرا دبیت، هنگی زانین دورستی و پشت راست دشێت ره‌گه‌زی ئاشكراكه‌ت، و ئه‌و بچویكێ ب رێكا (طفل الانابیب) دهێته دورستكرن ئه‌و هه‌ر ژ ده‌ستپێكێ كرومسومێ (y) ژ زه‌لامی دهێته وه‌رگرتن و (x) ژ ژنێ و نا بێژنه ڤێ زانین چونكی ده‌ستپێكێ كروموسومێ نێر و مێ یێ ئاشكرایه، ل گه‌ل هندێ ژی رێژا سه‌ركه‌فتنێ گه‌له‌كا كێمه و نا یه یا پشتراست و مسوگه‌ره، و ده‌مێ خودێ دبێژیت: (ویعلم ما فی الارحام) مه‌خسه‌د پێ نه به‌س نێر و مێیاتی و ره‌گه‌زه، به‌لكی كا ئه‌ڤ حه‌مله دێ مینێن یان نه و كاد ێ چه‌ند كێشێت و كاد ێ یێ جوان بیت یان كریت و كا دێ یێ پرچ زه‌ر بیت یان ره‌ش و ره‌نگێ وی دێ چاوابیت یێ ره‌ش یات ئه‌سمه‌ر یان صور یان سپی و كاد ێ سه‌ركه‌فتی بیت یان ن نه و هه‌می درێژیێت ژیانا وی و بێ پشتبه‌ستن ب ئه‌گه‌ره‌كێ هه‌روه‌كی دئایه‌ته‌كا دیدا هاتی (وَمَا تَغِيضُ الأٌّرْحَامُ وَمَا تَزْدَادُ) و دزانێت ژ ژێ كیم دبیت چ ژێ زیده دبیت و هه‌كه زانستێ زانی، ب ئه‌گه‌را دزانیت یان ب تێشكێ یان ب سونه‌رێ و پاشی زانینا زانستێ نه یا كامل و ته‌مام و بێ گومانه، دبێت ئاسته‌كێ بلند ژ باوه‌ریێ هه‌بیت، به‌لێ ل گه‌ل هندێ ژێ سه‌د ژ سه‌دێ نه یا پشتراستكریه، و هه‌تا ڤێ گاڤێ زانین نه‌شیایه هه‌ره‌وكی من پسیارا نوژدارێت تایبه‌ت كری، ره‌گه‌زی بزانیت هه‌تا شه‌ش حه‌فتی نه‌بورن، و هنگی ژی نه یا مسوگه‌ر و پشتراسته، هه‌تا دبنه دوازده حه‌فتی یان چوار هه‌یڤ، هنگی دشێت پشتراست ره‌گه‌زی دیاره‌كه‌ت، و ل گه‌ل هندێ ژی ئه‌م دبێژن مه‌خسه‌دا ئایه‌تێ نه به‌س ره‌گه‌زه، به‌لكی گه‌له‌ك ژ وێ ویڤه‌تره كا ئه‌و حه‌مل دێ مینیت یان نه و كاد ێ چه‌ند كێشیت و كاد ێ یێ چاوابیت مه‌زنی وسنگ و سڤكی وجوانی و كرێتی و ره‌نگ و سه‌رو سیما و درێژی و كورتی و ................ و هه‌تا دویماهیێ و هوسا چ هه‌ڤریكی دناڤبه‌را ئایه‌ت و زانینیدا نینه و خودێ چێتر دزانیت.
