ب: مخابن گه‌له‌ك زه‌لام بۆ خۆ ناكه‌نه خه‌م ژنا وی نڤێژا بكه‌ت یان نه، و جلكێت شه‌رعی ب كه‌ته به‌ر خۆ یان نه، زه‌كاتا خۆ بده‌ت یان نه، ئه‌ڤه زێده یا خه‌له‌ته، و نه یا دورسته، و ئه‌و شریكێ گونه‌ها ژنا خۆیه، هه‌كه خۆ ل سه‌ر خه‌له‌تیا وێ بی ده‌نگ كربیت، و به‌رێ وێ ژ خرابیان نه دابیته پاش؛ چونكی ئه‌و ژ خۆ و هه‌ڤژینا خۆ به‌ر پرسه، بلا به‌رده‌وام ئه‌ڤ ئایه‌ته به‌ر چاڤێت وی بیت، و د گوهێت ویدا ده‌نگ ڤه‌ده‌ت : (ياأَيُّهَا الَّذِينَ ءَامَنُواْ قُواْ أَنفُسَكُمْ وَأَهْلِيكُمْ نَاراً وَقُودُهَا النَّاسُ وَالْحِجَارَةُ) و ل سه‌ر زه‌لامی واجبه، ئه‌و جلكێ شه‌رعی بۆ هه‌ڤژینا خۆ دیاره‌بكه‌ت، و بۆ بێژیت و نیشا بده‌ت، كا مه‌رجێت جلكێت شه‌رعی چنه، و هه‌كه ئه‌ڤه نه‌كر، و ژنێ جلكێت نه شه‌رعی كرنه به‌رخۆ، هه‌كه زه‌لام یێ لێ بی ده‌نگ بیت، یان پێ رازی بیت، هنگی بلا بزانیت نه ژن تنێ یا گونه‌هكاره، ئه‌و ژی ل گه‌ل یێ گونه‌هكاره؛ چونكی وی نیشا ژنێ نه‌دا سالوخه‌تێت جلكێت شه‌رعی بزانیت؛ دا جلكێت نه دورست نه‌كه‌ته به‌ر خۆ، مخابن ئه‌ڤرو به‌دل زه‌لام نه هێلیت ژن گونه‌هێ بكه‌ت و جلكێت نه‌شه‌رعی نه‌كه‌ته به‌رخۆ، و مكیاحێ نه‌دورست نه دانیت، فه‌رمانا وێ ب گونه‌هێ دكه‌ت، به‌لكی فه‌رمانا وێ دكه‌ت خۆ سه‌ر كول بكه‌ت، و جلكێت نه شه‌رعی ب كه‌ته به‌رخۆ، و مكیاجی دده‌ركه‌فتناندا ب دانیت، ئه‌ڤه یا حه‌رامه ئه‌و بكه‌ت، و یا حه‌رامه ئه‌و ژی گوهێ خۆ بده‌تێ؛ چونكی پێغه‌مبه‌ر سلاڤێت خودێ ل سه‌ربن دبیژیت: (لا طاعة لمخلوق في معصية الخالق) گوهداریا چ چێكریان ناهێته كرن (به‌رپرس بیت، میر بیت، حوكمدار بیت، هه‌ڤژین بیت، كی بیت ) د نه‌گوهداریا خودێدا.
