ب : پێدڤیه زه‌لام ل سه‌ر ژنا خۆ یێ ب غیره‌ت بیت، و چێدبیت بێته‌گۆتن، ما زه‌لام هه‌یه ل سه‌ر ژنا خۆ یێ غیره‌ت نه‌بیت؟ زه‌لام نینه ل سه‌ر ژنا خۆ یێ بێ غیره‌ت بیت، ئاشكرایه زه‌لام دوجاركی به‌رپرسیاره ژ هه‌ڤژینا خۆ، جاره‌كێ به‌رامبه‌ر خودێ، و جارا دویێ به‌رامبه‌ر خه‌لكی، و پرسینا وی دێ ل سه‌ر هه‌ڤژینا وی دوو جهان لێ هێته‌كرن، جاره‌كێ خودێ دێ پرسینێ ل گه‌ل كه‌ت ئه‌گه‌ر غیره‌ت ل سه‌ر ژنا خۆ نه‌بیت، و به‌رێ وێ ژ گونه‌هان نه‌دا پاش، تایبه‌ت گونه‌هێت ب جلك و ره‌وشت و سنجیڤه گرێدایی، و هه‌كه ژنا وی خه‌له‌تی كرن خه‌لك ژی وی به‌رپرس دبینن؛ له‌وا پێغه‌مبه‌رێ خوشتڤی سلاڤێت خودێ ل سه‌ربن دبیژیت: (كُلُّكُمْ راعٍ، وكُلُّكُمْ مسئولٌ عنْ رعِيَّتِهِ والرَّجُلُ راعٍ علَى أَهْلِ بَيْتِهِ) ھوین ھه‌می چاڤدێر و پارێزه‌رن، و ھوین ھه‌می به‌رپرسن ژ یێت ژێر چاڤدێریا خۆ، زه‌لام ل سه‌ر خه‌لکێ مالا خۆ چاڤدێر و پارێزه‌ره، ڤێجا ئه‌و زه‌لامێ خه‌مێ ژ هه‌ڤژینا خۆ نه‌خۆت، و دەرگه‌ھی بۆ وێ ڤه‌کری دھێلیت، و ئاگه‌ھ ژ وێ نه‌بیت کا ئه‌و چ جلك دكه‌ته به‌رخۆ و چ مكیاج ددانیت و تێكه‌لیا وێ و پێشوازیا وێ یا چاوانه، و به‌رێخۆدانا چ دکه‌ت، دێ به‌رپرساتیا وی رۆژا قیامه‌تێ یا گران بیت، و هه‌كه وی خه‌م ژ ژنا خۆ نه‌خوار، هنگی دێ د چاڤێ خه‌لكیدا ژی یی كیم بیت، و نا بێژنه ڤێ غیره‌ت، خه‌ما وی ئه‌و نه‌بیت كا ژنا وی چ جلك دكه‌ت به‌رخۆ؟،و چ ناكه‌ت به‌رخۆ؟ كا ب چ ئاوا و ب چ وێنه و ب چ سه‌روبه‌ر ده‌ردكه‌ڤیت؟ و كاوا چاوا تیكه‌لیا زه‌لامان دكه‌ت؟ و كا چاوا خۆ ژ چالاكیان یێت جڤاكی نا ده‌ته پاش د دورست بن د شه‌ریعه‌تیدا یان نه.
غیره‌ت ئه‌وه نه‌هێلیت ژنا وی تشتێ نه‌شه‌رعی بكه‌تێ، تایبه‌ت فه‌رمانێت گریدایی جلكان و تیكه‌لیێڤه، و هه‌كه هێلا و خه‌ما ڤێ چه‌ندێ نه‌خار، و چاڤێت خۆ گرتن، و گوهێت خۆ په‌مبی كرن، هنگی یان غیره‌ت نینه، یان یێ غیره‌ت سسته، ئه‌و نه غیره‌ته هنگی توره ببیت، ده‌مێ ببینیت ئێكێ چاڤكره ژنا وی، یان چاڤێت خۆ زیقكرنێ، یان ئاخفتنێت نه جوان به‌رگوهی ئێخستن، راسته ئه‌ڤ كاره ییت دلئێشن، به‌لێ به‌ری هنگی دڤێت توره‌ببیت ده‌مێ ژنا وی خۆ سه‌ركول دكر و خۆ سوراڤ و پسیاڤ ددا و سینگێ خۆ ده‌ردئێخست و جلكێ ته‌نك یاته‌نگ یان كورت دكره به‌رخۆ، چێروك و سه‌رهاتیه‌كا راستی، پیره‌میره‌ك جاره‌كێ ل شه‌مه‌نده‌فره‌كێ سیار بوو، ژنه‌كا نیڤ جلك به‌ر، هاته به‌رامبه‌ری وی، سه‌ركول و سینگ به‌ردایی و زه‌ندك ده‌ركه‌فتی و ته‌نوره كورت و سه‌ر چوكاندا، و دویماهیك مكیاج، پیره‌مێری ڤیا وانه‌كێ ب ده‌ته زه‌لامێ وێ، و ب رێكا وی ب ده‌ته هه‌می مرۆڤێت شامه‌نده‌فرێدا، سه‌رێ خۆ نێزیكی ژنێ كر، و زل به‌ری خۆ دایێ، زه‌لامێ وێ ب ڤی كاری توره بوو و، غیره‌تا وی لڤلڤی، و گۆته پیره‌مێری، ئه‌و تۆ چ دكه‌ی ما تو شه‌رمناكه‌ی؟! ما ئه‌ڤ كاره هه‌ژی عومرێ ته‌یه؟!!!! ئینا پیره‌مێری گۆتێ: كورێ من ل من ببوره، چاڤێت من ییت له‌وازن؛ له‌وانێ من سه‌رێ خۆ نێزیكی وی كر؛ دا ببینم ئه‌ز باش نابینم، پاشی كورێ من ته ماف نینه تو خۆ توره‌بكه‌ی، ئه‌ز به‌رێ خۆ ناده‌مێ جهێ ڤه‌شارتی، یێ كۆ به‌س بۆ ته دورست به‌رێ خۆ بده‌یی، و ئه‌و جهێ نه ڤاشرتێ مافی مه هه‌میانه، و هه‌ر كه‌سێ د ڤێ شه‌مه‌نده‌فرێدا سینگێ خۆ ملێت خۆ پێت خۆ ئاشكراكرین، هه‌ر جهێ ئاشكرا ژێ، مافی هه‌میانه به‌رێ خۆ بده‌تێ، خۆ توره نه‌كه ،هه‌كه ته نه‌ڤێت كه‌س به‌رێ خۆ بده‌تێ، نه‌هێله ب ڤی جلكی نه شه‌رعی ده‌ركه‌ڤێت، ئها ئه‌ڤه غیره‌ته زه‌لامی سه‌رێ خۆ چه‌ماند و چ به‌رسڤ نه‌بوون به‌رسڤا پیره‌مێری بده‌ت (إِنَّ اللَّهَ يَغَارُ وَإِنَّ الْمُؤْمِنَ يَغَارُ وَغَيْرَةُ اللَّهِ أَنْ يَأْتِيَ الْمُؤْمِنُ ما حَرَّمَ عليه) ب راستی خودێ پێ نه‌خۆش دبیت، ب راستی باوه‌ریداری ژی پێ نه‌خۆش دبیت، و پێنه‌خۆشیا خودێ ئه‌وە، مرۆڤ وی تشتی بکه‌ت یێ خودێ ل سه‌ر حه‌رام کری. ڤیجا دڤێت زه‌لامی پێ نه‌خوش بیت ژنا وی ئاشكرایی و پێش چاڤێت هه‌میان وێ بكه‌ت دجلكان و كاری و هه‌ڤبه‌ندیاندا یا خودێ پێ نه‌خوش، و دڤێت زه‌لام هند غیره‌ت هه‌بیت، ئه‌و جهێت له‌شێ وێ یێت ڤه‌شارتی بن و كه‌س ژ وی پێڤه‌تر نه‌بینیت نه هێلیت ئه‌و ئاشكرا بكه‌ت و ده‌ربێخیت، ئه‌ڤه نه كاره‌كێ دورسته خه‌ما جلكێ ژنا خۆ نه خوت، كیرێ ده‌ربێخیت بلا ده‌ربێخیت، و سه‌رێ خۆ چاوا بده‌ته سه‌ر ملێ خۆ بلا بده‌ته سه‌ر ملێ خۆ، چ مكیاج و بویاغان ب كاربین بلا وان ب كاربینیت، تێكه‌لیا كێ دكه‌ت بلا بكه‌ت، ل گه‌ل كێ دئاخڤیت بلا باخڤیت، و ب تنێ دمینیته ل گه‌ل كێ بلا ب مینیته ل گه‌ل، چ ره‌نگێ بهێن خوشیی كاربینیت بلا ب كار بینیت، چ ئاهه‌نگا دڤێت بچیتێ بلا بچیتێ، و بچیته ده‌ستێ كێ گه‌را ده‌واتێدا بلا بچیته ده‌ستێ وی، و چ سحبه‌ت و ئاخفتنا دكه‌ت بلا بكه‌ت، هه‌تا دویماهیێ دكه‌ڤیته خه‌له‌تیی، بێژیتێ مافێ ته كوژتنه، یان پسیارا فه‌توایان ژ زانایان بكه‌ت كا دورسته بكوژیت یان نه، پشتی په‌رده ل سه‌ر هه‌می تشتا رابووی و بێهنا گونه‌هێ فری، و كه‌فتیه بن دفنێت هه‌می خه‌لكی، و خه‌لك پێ ئاخفتی، ژ نوی غیره‌تا وی لڤلڤی و بێژیت ما فێ ته كوژتنه، به‌رسڤا ڤی هه‌كه ئێك هێژای سزایه‌كێ ببیت توی، زه‌لامه ده‌مێ غیره‌تا وی ده‌ستپێكێ نه‌لڤلڤی و به‌رێ ژنا خۆ ژ كارێ خودێ پێ نه‌خوش نه‌دایه پاش، و ده‌ستپیكێ رێك بۆ ژنێ ڤه‌كری و ساناهیكری، و ئه‌و زه‌لامی ژنێ ببینیت جلكی خودێ پی نه‌خوش ژنا وی دكه‌ته به‌رخۆ، و كارێ خودێ پێ نه‌خوش ئه‌و دپه‌یوه‌ندییت خۆدا دكه‌ت، یێ بێ غیره‌ت و دل وه‌رگێراییه.
پێغه‌مبه‌ر سلاڤێت خودێ ل سه‌ربن دبێژیت: (إني لغيور وما من امرئ لا يغار إلا منكوس القلب) ئه‌ز یێ ب غیره‌تم ئانكو ب كرنا تشتێ خودێ پێ نه‌خوش نه‌خوش دبم و هه‌ركه‌سێ غیره‌ت نه‌گریت و ب كرنا تشتێ خودێ پێ نه‌خوش نه‌خوش نه‌بیت ،هه‌كه یێ دل وه‌رگێرای نه‌بیت، و ژنا جلكێ نه‌شه‌رعی دكه‌تێ، و مكیاجێ نه‌شه‌رعی ددانیت، و په‌یوندێت نه‌شه‌رعی گرێده‌ت، ئه‌و نه ئه‌وه یا گونه‌هان ڤه‌شارتی دكه‌ت، و پاشی ئاشكرادكه‌ت، به‌لكی ب ئاشكرای گونه‌هێ دكه‌ت و شانازیی ژی پێ دبه‌ت، به‌رێ خۆ بدێ كا پێغه‌مبه‌ر سلاڤێت خودێ ل سه‌ربن دراستا واندا، ئه‌وێت ڤه‌شارتی و به‌رزه‌یی گونه‌هێ دكه‌ن، و پاشی ئاشكرادكه‌ن كا چ دبێژیت:(كُلُّ أَمَّتِي مُعَافًى إِلاَّ المُجاهرينَ، وإِنَّ مِن المُجاهرةِ أَن يعمَلَ الرَّجُلُ بالليلِ عمَلاً، ثُمَّ يُصْبحَ وَقَدْ سَتَرهُ اللَّه عَلَيْهِ فَيقُولُ: يَا فلانُ عَمِلْتُ الْبَارِحَةَ كذَا وَكَذَا، وَقَدْ بَاتَ يَسْترهُ ربُّهُ، ويُصْبحُ يَكْشفُ سِتْرَ اللَّه) ھه‌می ئوممه‌تا من یێت ب سلامه‌تن، یان یێت ئازاکرینه، گونه‌ھ ئاشکراکه‌ر نه‌بن، و ژ ئاشکراکرنێیه زه‌لام ب شه‌ڤ کاره‌کێ، گونه‌ھه‌کێ بکه‌ت، پاشی سپێده لێ ببیت، و خودێ یێ ستاره‌کری و ڤه‌شارتی، دێ بێژیت: یا بێڤان دوھی من ئه‌ڤه و ئه‌ڤه یێ کری، و شه‌ڤێ یێ مای خودێ یێ ستاره‌کری، و سپێده لێ دبیت، ستارێ خودێ ئاشکرا دکه‌ت. ئه‌ڤێ هوسا دویماهیكه‌كا خراب هه‌یه، یێ ڤه‌شارتی گونه‌هێ بكه‌ت به‌لێ پشتی هنگی ئاشكرا بكه‌ت، پا تو چ دبێژی بۆ وی یێ هه‌ما گونه‌هێ نه‌ڤه‌شارتی و نه به‌رزه‌یی و ئاشكرایی دكه‌ت؟!!!!!!! و شانازیێ ژی پێ دبه‌ت، ئه‌و ژنا جلكێ شه‌رعی نه‌كه‌تێ، و په‌یوه‌ندیان ل سه‌ر بنیاتێ شه‌ریعه‌تی رێكنه‌ئێخیت، ژ ڤی ره‌نگییه، ڤێجا دڤێت ئها ل ڤێرێ غیره‌ت زه‌لامی بگریت، و نه‌خوش ببت و خۆ نه‌گریت هه‌تا ئێك چاڤێ خۆ زلدكه‌ته ژنا وی یان ئاخفتنه‌كا دلئێش گولێ بكه‌ت.
