ب: نه‌هێلان و راكرنا وان مییان ژ ریك و سونه‌تا پێغه‌مبه‌رانه و دڤێت ئه‌و می هه‌تا چل رۆژان نه مینن و یا باش هه‌می حه‌فتیان بێنه پاقژكرن و پێغه‌مبه‌رێ خودێ (سلاڤێت خودێ ل سه‌ربن) دبێژيت: ((ده‌هـ تشت ژ سونه‌تا پێغه‌مبه‌رانه: سمبێل كورتكرن و ريهـ به‌ردان و سيواك و ئاڤ هه‌لكێشان ب دفنێ و نوينؤك بڕين و شويشتنا ناڤ تلان و بن كه‌فش چێكرن و رێڤ چێكرن، و خؤپاقژكرن ب ئاڤێ)). ڤه‌گێرى گؤت: و ياده‌هێ من ژبيركر ژبلى كو ئه‌و ئاڤ د ده‌ڤى تێوه‌ردان بيت. و فه‌ره ئه‌م ل سونه‌ت و رێكا پێغه‌مبه‌ران د هشياربين، به‌لێ زانا دبێژن: حوكمێ راكرن و نه‌هێلانا وان مویان سونه‌ته نه‌واجبه، به‌لێ نابيت مرؤڤ سونه‌تا پێغه‌مبه‌رى (سلاڤێت خودێ ل سه‌ربن) پشت گوهێت خؤڤه باڤێت؛ چونكى هه‌ر ئه‌و (سلاڤێت خودێ ل سه‌ربن) دبێژيت: ((و هه‌ركه‌سێ رێكا من بهێليت نه ژ منه)) ڤێجا یا فه‌ر ئه‌وه بێنه پاقژكرن ب هه‌ر رێكه‌كا هه‌بیت ب مه‌رجه‌كێ زیانا پاش خۆڤه نه هێلیت و هه‌كه لێزه‌رێ زیان و كارتێكرنا خراب نه‌بیت دورسته و چ تێدا نینه.
