ب /هندى مرؤڤه سێ ره‌نگێت ئاڤا دبينيت ژبلى ده‌ستئاڤا زراڤ، ئه‌و ژى مه‌نى و مه‌زى و وه‌ديه. مه‌نى ئه‌وه ئه‌وا زارؤك ژێ چێدبيت و ب بلق دهێت و ب رێكا شه‌هوه‌تێ دهێت، هنگى سه‌رشويشتن ل سه‌ر مرؤڤى دكه‌ڤيت و دڤێت سه‌رێ خؤ بشؤت، و دبيت هنده جارا ژبه‌ر نه‌خؤشيێ مرؤڤ ڤى ره‌نگێ ئاڤێ ببينيت، هنگى سه‌رشويشتن ل سه‌ر ناكه‌ڤيت، و مه‌زى و وه‌دى ديسا ب هزركرنا شه‌هوه‌تێ دهێن، يان دبيت بێ شه‌هوه‌ت ژى، به‌لێ ده‌ستنڤێژ تنێ پێ دكه‌ڤيت و دڤێت ئه‌و جهێ ئه‌و ئاڤ ڤێ كه‌فتى بێته پاقژكرن و خودآ چێتر دزانيت..
