ب/ هه‌كه بچويكێ ب شير، كوڕ بيت و بميزته ب مرؤڤيڤه، بؤ پاقژكرنێ به‌س دێ ئاڤێ ل جهێ ميزا وى ره‌شينين، و ئه‌ڤه پاڤژكرنا ميزا بچويكێ ب شيره، هه‌كه كوڕ بيت، و هه‌كه كچ بيت، دڤێت بێته شويشتن. ژبه‌ر چ ئه‌ڤ جوداهيه هه‌يه؟ چونكى ژ پێغه‌مبه‌رى (سلاڤێت خودێ ل سه‌ربن) هاتيه زانين هه‌روه‌كى ئيمام عه‌لى (خودێ ژێ رازی بیت) ژێ ڤه‌گوهاستى: ميزا كوڕكى دهێته ره‌شاندن و يا كچێ دهێته شويشتن، ئه‌ڤه هه‌كه ب شير بن و خوارنێ نه‌خؤن، و هه‌كه خوارن خوار.. يا هه‌ردووكان وه‌كى ئێكه، و دڤێت بێته شويشتن. نهێنى و حيكمه‌ت ژ ڤێ جوداهيێ ئه‌ڤه‌يه هه‌روه‌كى زانا دبێژن: ژن و زه‌لام بچويكێ كوڕ هه‌لدگرن، و پتر ژ كچێ، دبيت كچا ب شير گه‌له‌ك نه‌هه‌لينن، و هؤسا دا زه‌حمه‌ت بؤ گه‌له‌كان چێ نه‌بيت ئه‌ڤ جوداهيه د پاقژكرنا هه‌ردووكاندا هات. ديسا ميزا كوڕى به‌لاڤ دبيت و د جهه‌كى ب تنێدا ناچيته خوارێ، و ب زه‌حمه‌ته هه‌مى بێته شويشتن، و به‌روڤاژى ميزا كچێ د جهه‌كێ تنێرا دچيت و ساناهيه بێته شويشتن، و ئه‌ڤرؤ زانستآ ئه‌گه‌ره‌كآ دي ژى دا ل گه‌ل ئه‌وژى ئه‌ڤه‌يه ميزا كچى چل جاران پتر به‌كتريا دناڤدا ژ يا كورى و خودآ چێتر دزانيت.
