ب / نڤين مافه‌كێ هه‌ڤپشكه د ناڤبه‌را ژن و مێراندا، كا چاوا هه‌كه زه‌لامى ژنا خؤ داخوازكره نڤينا خؤ دڤێت دويف بهێت هه‌كه چو ده‌ستويريێت شه‌رعي نه‌بن، هؤسا زه‌لام ژى دڤێت مافێ ژنا خؤ بده‌تێ هه‌كه داخوازا نڤينا خؤ كر، و هنده زانا دبێژن كێم كێم دڤێت د ژڤانه‌ك و پاقژيه‌كێدا جاره‌كێ بچيته نڤينا ژنا خؤ، ژبه‌ر ئاخفتنا خودێ: (ولا تقربوهن حتى يطهرن فإذا تطهرن فأتوهن من حيث أمركم الله) ئه‌گه‌ر خؤ شويشتن، و خؤ ب نڤێژ ئێخستن، هه‌ڕنه نڤينا وان، هه‌روه‌كى خودێ گؤتيه هه‌وه، ب راستى خودێ حه‌ژ تؤبه‌داران دكه‌ت، و هه‌روه‌سا حه‌ژ پاقژان ژى دكه‌ت. و ئه‌ڤه بؤچؤنا ئيمام ئبن حه‌زميه خودێ ژێ رازی بیت و ئيمامێ غه‌زالى خودێ ژێ رازی بیت دبێژيت: هه‌كه زه‌لامى چو ده‌ستويريێت شه‌رعى نه‌بن دڤێت ژ چار شه‌ڤا نه‌بؤريت جاره‌كێ بچيته نڤينا ژنا خؤ هه‌كه وێ خواست.. به‌لێ هه‌كه نه‌هێته پاقژكرن هنگى دڤێت ئه‌و وێ بكه‌ت يا پاكيا وێ دپارێزيت، و ئيمام ئبن ته‌يميه (خودێ ژێ رازی بیت) دبێژيت: چو وه‌ختێت سنورداركرى نينن، هه‌رگاڤا ژنێ ڤيا و هه‌وجه‌يى هه‌بيت دا پاكيا خؤ راگريت دڤێت زه‌لامێ وێ دويف بهێت، و ئه‌ڤ بؤچؤنه بهێزتره، و هه‌كه زه‌لامى خؤ ڤه‌گرت هه‌تا چار هه‌يڤان هنگى بؤ ژنێ هه‌يه بچيته دادگه‌هێ و گازندا خؤ بگه‌هينيته دادوه‌رى، و دڤێت دادوه‌ر سه‌ر زه‌لامى بدانيت بزڤريته نڤينا ژنا خؤ و هه‌كه گوهێ خؤ نه‌دا دادوه‌رى هنگى دادوه‌ر دێ ژێ ده‌ته به‌ردان هه‌كه وێ بڤێت، و خودێ چێتر دزانيت.
