ب : خویشكا هێژا تو چه‌ندا دینداری خودێ ته دیندارتر لێ بكه‌ت، و خودێ ته په‌یت وموكم تر لێ بكه‌ت، و به‌رده‌وام ترسا خۆ ب ره‌زقێ ته‌بكه‌ت د هه‌می كاروبارێت ته‌دا، ئه‌ڤ ره‌نگێ خه‌ونا كو ب عه‌ره‌بی دبێژنێ (احتلام) و ئه‌م دبێژینێ (شه‌یتانكی) ژن و زه‌لام دكه‌ڤنه تێدا، و ئه‌ڤه ئێك ژ نیشانێت بالغبوونێنه، چ كچێ دیت یان كوری، و هه‌كه ئه‌ڤ ره‌نگه خه‌ونه دیت دڤێت بزانیت ئه‌و ژ قویناغا بچویكاتیێ و نه‌به‌رپرسیاتیێ ده‌ربازبوو، و كه‌فته دقوناغه‌كا دیدا دژیانا خۆدا، قوناغا گه‌هشتن و بالغبوونێ، ڤێجا دڤێت نڤێژ و رۆژیا بگریت، و ئه‌ركێت دی یێت ئیسلامێ ب جهـ بینیت و ل سه‌ر وی واجبن، و دبیت كچ به‌ری شویكرنێ ڤان ره‌نگه خه‌ونا ببینیت و پشتی شویكرنێ ژی و مه‌رج نینه هه‌می وه‌كی ئێك و ب ئێك رێژه ببینن كێم و زێده یا هه‌ی، و هنده ژن هه‌ر ڤان ره‌نگه خه‌ونان د هه‌می ژیانا خۆدا نابینن، به‌لێ هه‌كه دیت كاره‌كێ ئاسایی و سرۆشتییه و نه نیشانا گونه‌هكاریێ و دین سستیێیه، و هه‌كه ژنێ یان كچێ ئه‌ڤ ره‌نگه خه‌ونه دیت، و هه‌ست بۆ چێ بوو ئاڤا وێ هات، دڤێت سه‌رێ خۆ بشوت؛ چونكی ئه‌و جه‌نابه‌ته و دڤێت ل سه‌ر خۆ راكه‌ت، هه‌كه زانی ئاڤا وێ هات، و هه‌كه هه‌ست ب ئاڤهاتنێ نه‌كر چ ل سه‌ر نینه و سه‌رێ خۆ ژی ناشوت؛ چونكی ژنه‌ك هاته ده‌ف پێغه‌مبه‌ری سلاڤێت خودێ ل سه‌ربن گۆتێ: ئه‌ی پێغه‌مبه‌رێ خودێ، خودێ شه‌رمێ ژ راستیێ ناكه‌ت، هه‌كه ژنێ دخه‌ونێدا ئه‌و دیت یا زه‌لام دبینیت سه‌رشوشتن ل سه‌ر هه‌یه؟ پێغه‌مبه‌ری سلاڤێت خودێ ل سه‌ربن گۆت: به‌لێ هه‌كه ئاڤ دیت، ئانكو به‌لێ سه‌ر شوشتنا ل سه‌ر هه‌ی به‌لێ هه‌كه زانی ئاڤا وێ هات و خودێ چێتر دزانیت.
