ب : ساری دنڤینێدا نه‌ساخی و نه‌خوشیه، وه‌كی هه‌ر نه‌خوشیه‌كا دی، یا له‌شی یان یا ده‌رونی، و فه‌ره رێكا چاره‌سه‌ریێ بێته‌گرتن، ودورسته ئه‌ڤه بێته‌كرن، به‌لكی دبیت واجب بیت؛ چونكی ساری ژ لایێ ژنێڤه یان ژ لایێ زه‌لامیڤه دبیته ئه‌گه‌رێ تیكدان و نه‌خوشیا ژیانا هه‌ڤژینیێ؛ ژ به‌ر هندێ پیدڤیه هه‌ر سه‌ره‌كێ ئه‌ڤ تشته ل ده‌ف بیت، فه‌ره رێكا بزیشكێت یسپور بگریت، و چاره‌سه‌ریا خۆ بكه‌ت، به‌لێ نابیت ئه‌و رێكێت حه‌رام بگریت، وه‌كی ب چیته ده‌ف خێڤزانك و سێربه‌ندان، یا چێروكا نڤیسانیت خه‌له‌ت بخوینیت، یان به‌رێ خۆ بده‌ته جهێت خه‌له‌ت و بێ په‌رده، ئه‌ڤه هه‌می رێكێت حه‌رامن، چاره‌سه‌ری وه‌رگرتن واجبه، به‌لێ دڤێت ئه‌و چاره‌سه‌ری یا دورست و حه‌لال بیت، له‌وا پێغه‌مبه‌ر سلاڤێت حودێ لسه‌ربن دڤه‌گێرا ئه‌بو داودیدا دبێژیت: (إِنَّ اللَّهَ أَنْزَلَ الدَّاءَ وَالدَّوَاءَ وَجَعَلَ لِكُلِّ دَاءٍ دَوَاءً فَتَدَاوَوْا ولا تَدَاوَوْا بِحَرَامٍ) ب راستی خودێ ده‌ردو ده‌رمانێت داین و بۆ هه‌رده‌ررده‌كێ ده‌رمانه‌كی دای ڤێجا ده‌رمانان وه‌رگرن و ب حه‌رامی خۆ ده‌رمان نه‌كه‌ن، ڤێجا رێكیت حه‌رام بۆ چاره‌سه‌ریا ساریا نڤینێ نابیت بێنه‌گرتن و خودێ چێتر دزانیت.
