ب / ئێك ژ به‌لا و كاره‌ساتێت مه موسلمانان ئه‌ڤه‌يه: ده‌مێ هنده‌كێت كێم زانين خۆ دكه‌نه مفتى و مافي و جساره‌تێ دده‌نه خۆ فه‌توا بده‌ن، و حوكمێت شه‌رعى دياركه‌ن، بێى كو وان ئه‌و زانينا شه‌رعي هه‌بيت وان كێربكه‌ت، بۆ ڤێ چه‌ندێ، و خۆزى گۆتبان: مه هۆسا يا گولێبووى و ل ڤێرێ راوه‌ستيابان و چو هه‌لويست نه‌وه‌رگرتبان، ئه‌و ب خۆ د كێم زانينن و نوزانن ژى دكێم زانين، ژ وان ئه‌و بۆچۆنا وان بهيستى و خواندى، ئه‌و تنێ يا هه‌ى، و به‌س ئه‌و تنێ يا دورسته، له‌وا د به‌رهه‌ڤن دژمنيى و دوبه‌ره‌كيه‌كێ د ناف موسلماناندا ل سه‌ر وێ بۆچۆنا به‌رته‌نگ دورستكه‌ن، و گۆتنا دوعايا وه‌سيلێ پشتى گولێبوونا هه‌ر بانگه‌كێ مرۆڤى دگه‌هينيته به‌ره‌ڤانى و مه‌هده‌ريا پێغه‌مبه‌رێ خۆشتڤى (سلاڤێت خودێ لێ بن). بوخارى ژ جابرێ كورێ عه‌بدوللاى(خودێ ژێ رازي بيت)، ڤه‌دگوهێزيت ژ پێغه‌مبه‌رێ خودێ (سلاڤێت خودێ لێ بن): ((من قَال حِين يسْمعُ النِّداءَ: اللَّهُمَّ رَبَّ هذهِ الدَّعوه التَّامَّه، والصَّلاه الْقَائِمه، آت مُحَمَّداً الْوسِيلَه، والْفَضيِلَه، وابْعپهُ مقَامًا محْمُوداً الَّذي وعَدْتَه، حلَّتْ لَهُ شَفَاعتي يوْم الْقِيامِه))، ئانكو: هه‌ركه‌سێ ده‌مێ گوه ل بانگى دبيت بێژيت: يا خودێ خودانێ ڤێ گازيا ته‌كويز و بێ كێماسى و خودانێ ڤێ نڤێژا دهێته‌كرن (يان نڤێژا هه‌ر دێ مينيت) وه‌سيله‌يێ (جهێ تايبه‌ت ژ به‌حه‌شتێ) و پله‌يا تايبه‌ت بده موحه‌ممه‌دى و بگه‌هينه جهێ په‌سندكرى (ئه‌و جهێ شوكرا وى تێدا دئێته‌كرن رۆژا مه‌هده‌را مه‌زن).
و يا سيێ زێده‌يا (إنَّك لاَ تُخْلِفُ الْمِيعَادْ) ئانكو: (ب راستي تو ژ ژڤانا خۆ لێڤه‌نابي) نه‌بيدعه‌يه و چو گونه‌ه تێدا نينه و دورسته بێته گۆتن، نه‌به‌س دورسته به‌لكى سونه‌ته، چونكى ئه‌ڤ زێده‌يه ژى هه‌ر ژ پێغه‌مبه‌رێ خودێ (سلاڤێت خودێ لێ بن) هاتيه زانين، و ل ده‌ف به‌يهه‌قي ئه‌ڤ زێده‌يه هاتيه 1/410، و زانا عبد العزيز بن باز(خودێ ژێ رازي بيت)، رێكا وێ د (تحفه الاخيار)دا باش دانايه، بپ38 و خودێ چێتر دزانيت.
