ب/ دوعا ئيستفتاحێ يان ژى دوعايا ده‌ستپێكرنا نڤێژێ.. ئه‌و دوعايه ئه‌وا پشتى ته‌كبيرا ئيحراما نڤێژێ دهيته‌كرن به‌رى خواندنا فاتحێ ژ ركاعه‌تا ئێكێ ژ هه‌مى نڤێژان. و حوكمێ وێ سونه‌ته ل ده‌ف باراپتر ژ زانايان، و هه‌كه نڤێژا خۆ بێ دوعايا ئيستفتاح كر دورسته ـ چ ژبيركرن چ نه ژبيركرن ـ و گه‌له‌ك دوعا ژ پێغه‌مبه‌رى (صلى الله عليه وسلم) هاتينه ڤه‌گوهاستن ئه‌م دێ سێيان ب تنێ به‌رچاڤكه‌ين:
(وَجَّهْتُ وَجْهِێ لِلَّژي فَطرَ السَّمَاوَاتِ وَالأََرْض حَنِيفاً مسلما وَمَا أَنَا مِنَ الْمُشْركِينَ، إِنَّ صلاتِي وَنُسُكِي وَمَحْێاێ وَمَمَاتِي لِلَّهِ رَبِّ الْعَالَمِينَ، لا شَريكَ لَهُ وَبِضلِكَ أُمِرْتُ وَأَنَا من الْمُسْلِمِينَ) ئانكو: ب راستى من به‌رێ خۆ دا وى [ئانكو: من خۆ ب گيان و په‌رستنڤه سپارته خودێ] ئه‌وێ عه‌رد و عه‌سمان چێكرين، به‌رێ خۆ ژ هه‌مى تشتان وه‌ردگێرم بۆ ئيسلامێ، و ب راستى ئه‌ز نه ژ وانم يێت هه‌ڤپشكان چێ دكه‌ن. ب راستى نڤێژا من، و تشتێ ڤه‌كوژم ، يان په‌رستن و عيباده‌تێ من، و ژيانا من و مرنا من، خره‌ك بۆ خودايێ هه‌مى جيهانانه. هه‌ڤال و هه‌ڤپشك بۆ نينن، و فه‌رمانا من ب ڤێ هاتيه‌كرن، و ئه‌ز ب خۆ ژ موسلمانانم.
(اللهم بَاعِدْ بَيْنِي وَبَيْنَ خَطاێاێ كما بَاعَدْتَ بين الْمَشْرقِ وَالْمَغْربِ، اللهم نَقِّنِي من خَطاێاێ كما يُنَقَّى الثوْبُ الأَبْێض من الدَّنَسِ، اللهم اغْسِلْنِي من خَطاێاێ بِالثلْجِ وَالْمَاءِ وَالْبَرَدِ) ئانكو: يا خودێ د ناڤبه‌را من و گونه‌هێت مندا دوير بێخه، هه‌روه‌كى ته مابه‌ينا رۆژهه‌لات و رۆژئاڤايێ دويرئێخستى. يا خودێ من ژ گونه‌هان پاقژكه، هه‌روه‌كى كراسێ سپي ژ قرێژێ دئێته پاقژكرن، يا خودێ من ژ گونه‌هێت من ب ئاڤێ و به‌فرێ و ته‌رگێ بشۆ.
(سُبْحَانَكَ اللهم وَبِحَمْدِكَ وَتَبَارَكَ اسْمُكَ وَتَعَالَى جَدُّكَ ولا إِلَهَ غَيْرَكَ) ئانكو: ئه‌ز ته ژ هه‌مى كێماسيان پاك و پاقژ دكه‌م يا خودێ، و ب هاريكاريا ته، به‌ره‌كه‌تا ناڤێت ته زێده‌بوو (هه‌مى خێر ديت، يێ ناڤێ ته ئينا) و مه‌زناتيا ته ب سه‌ركه‌فت و ژبلى ته چو خودێ نينن.
