ب/ مه‌زهه‌بێ حه‌نبه‌ليان و ل ده‌ف ئيمامێ نه‌خه‌عى و ئيسحاق و ئبن منزر خودآ ژ هه‌ميان رازى بيت دبێژن: هه‌كه وى نڤێژ ب تنێ كر، نڤێژا وى نه‌يا دورسته، چونكى پێغه‌مبه‌ر (صلى الله عليه وسلم) دبێژيت: ((لا صَلاه لِفَرْدٍ خَلْفَ الصَّفِّ)). و ئيمام مالك و ئه‌وزاعى و شافعى و ئه‌بو حه‌نيفه خودآ ژ وان رازى بيت دبێژن: يا دورسته، به‌لێ نه‌يا جوانه، هندى بشێت دڤێت ب تنێ نه‌كه‌ت، و به‌لگه‌يێ ڤان ئه‌ڤه‌يه: پێغه‌مبه‌رى (صلى الله عليه وسلم) ئه‌با به‌كره‌ته(رضي الله عنه)، ديت نڤێژ ب تنێ دكر و نه‌گۆتێ بكه‌ڤه.
ئه‌رێ دورسته ئێكى د رێزێدا بكێشيت، (ابن تيميه) و (ابن قيم) خودێ ژ هه‌ردوويان رازى بيت نه‌دگه‌ل ڤێ چه‌ندێنه، و دبێژن: هه‌كه چو جه د رێزێدا نه‌ديتن هه‌ما دێ نڤێژا خۆ كه‌ت و نڤێژا وى يا دورسته. و ئه‌ز ل گه‌ل ڤێ بۆچۆنێمه و دويف ره‌ئيا وان ئه‌وێت دبێژن: بلا ئێكى ژ رێزێ بكێشيت.. دڤێت نه هه‌ما هه‌ر كه‌سه‌كێ هه‌بيت، دڤێت ئه‌و بيت يێ شاره‌زا و بزانيت و خودێ چێتر دزانيت.
