ب / مه‌رج نينه يێ نڤێژا فه‌رز كرى ببيته ئيمام يان ژى يێ نه‌كرى، هه‌ردوو چێ دبن و به‌لگه ب هه‌ردووكان يێت هاتين. د حه‌ديسه‌كا سه‌حيحدا هاتيه: مه‌عازێ كورێ جه‌به‌لى (رضي الله عنه) نڤێژا عه‌يشا ل مزگه‌فتا پێغه‌مبه‌رى (صلى الله عليه وسلم) دكر و ل پشت پێغه‌مبه‌رى (صلى الله عليه وسلم) و پاشى دزڤريڤه مالا خۆ و نڤێژا عه‌يشا جاره‌كا دى به‌راهيا خه‌لكێ مالا خۆ دكر. بۆ وى ئه‌ڤه سونه‌ت بوو و بۆ خه‌لكێ مالا وى فه‌رز بوو.
ديسا يا هاتى، پێغه‌مبه‌رێ مه (صلى الله عليه وسلم) مرۆڤه‌ك ديت يێ نڤێژێ ب تنێ دكه‌ت، ئينا پێغه‌مبه‌رى (صلى الله عليه وسلم) گۆت: ((ئه‌رێ كه‌س نينه سه‌ده‌قه‌كێ ـ ئانكو خێره‌كێ ـ دگه‌ل ڤى بكه‌ت)) مه‌خسه‌د كى دێ نڤێژێ دگه‌ل وى كه‌ت دا نڤێژا وى ژى ب جه‌ماعه‌ت بێته نڤێسين. ئينا ئيمام ئه‌بو به‌كر(رضي الله عنه)، رابوو و چۆ نڤێژ دگه‌ل كر. زانايێ ناڤدار ئيمامآ نه‌وه‌وى و ترمزى خودآ ژ هه‌ردوويان رازى بيت ڤێ حه‌ديسێ دكه‌نه به‌لگه و نيشان كو چێدبيت نڤێژ ب جه‌ماعه‌ت د مزگه‌فته‌كێڤه بێته‌كرن كو به‌رى هنگى نڤێژ ب جه‌ماعه‌ت تێدا هاتبيته‌كرن، و زانايێ ناڤدار ئيمام ئه‌حمه‌د و ئيسحاق ژى دگه‌ل ڤێ بۆچۆنێنه، هه‌رچه‌نده ئيمامێ شافعي و مالك و چه‌نده‌كێت دى نه‌دگه‌ل ڤێ چه‌ندێنه، به‌لێ به‌لگه و نيشان دگه‌ل بۆچۆنا ترمزينه، ژ ئه‌ڤا بۆرى ديار دبيت هه‌ردوو دشێن ببنه ئيمام چ يێ نڤێژا فه‌رز كرى چ يێ نه‌كرى و خودێ چێتر دزانيت و خودێ چێتر دزانيت.
