ب / هنده‌ك دبێژن: ئه‌ڤه نه‌يا دورسته و نابيت، و دبێژن: چو به‌لگه و ده‌ليل نينن كو ئه‌ڤه يا دورست بيت، و هه‌كه تو ده‌ستێ خۆ ل ملێ وى ژى بده‌ي، خۆ ب سه‌رڤه لێناده‌ت، و ده‌نگێ خۆ بلند ناكه‌ت، دا تو ل گه‌ل وى ب جه‌ماعه‌ت بكه‌ي، و ئه‌ڤ بۆچۆنه نه‌يا دورسته و پالپشت ژ ده‌ليلێت دورست نينن، و بۆچۆنا ب هێز و ب به‌لگه و ب به‌لگه‌يێت دورست، ئه‌ڤه يا دورسته و چو تێدا نينه.
ئبن عه‌باس خودێ ژێ رازى بيت) شه‌ڤه‌كێ ما ل ده‌ف پێغه‌مبه‌رێ خودێ (سلاڤێت خودێ لێ بن) دا به‌رێ خۆ بده‌ته عيباده‌تێ پێغه‌مبه‌رێ خودێ (سلاڤێت خودێ لێ بن) كا يێ چاوايه و دا چاڤ لێ بكه‌ت، و بۆ مه موسلمانان ڤه‌گوهێزيت، ب شه‌ڤ پێغه‌مبه‌رێ خودێ (سلاڤێت خودێ لێ بن) ديت رابوو و چۆ مه‌شكه‌ك ئينا خوارێ، و ده‌ستنڤێژا خۆ شويشت و پشتى هنگى هاته سه‌ر شه‌ملكا خۆ و نڤێژ كرن، ئبن عه‌باس خودێ ژێ رازى بيت) دبێژيت: ئه‌ز ژى رابووم من ده‌ستنڤێژ شويشت و ل ره‌خێ وى يێ چه‌پێ راوه‌ستيام، ئينا سه‌رێ من گرت و ئه‌ز ئينامه ره‌خێ خۆ يێ راستێ، هه‌لبه‌ت ئه‌ڤ حه‌ديسه ئيمامێ بوخارى و موسلمى ڤه‌گێرايه، و ئاشكرايه پێغه‌مبه‌رێ خودێ (سلاڤێت خودێ لێ بن) ئنيه‌تا ئيمامه‌تيێ نه‌ئينابوو، و ئبن عه‌باس خودێ ژێ رازى بيت) چۆ ئه‌و بۆ خو كره ئيمام و ئه‌و بوو مه‌ئموم و دگه‌ل پێغه‌مبه‌رێ خودێ (سلاڤێت خودێ لێ بن) كره جه‌ماعه‌ت، پێغه‌مبه‌رێ خودێ (سلاڤێت خودێ لێ بن) نه‌گۆتێ ئه‌ڤه نه‌يا دورسته و يا خه‌له‌ته، به‌لكى به‌س جهێ وى دورست كر، چونكى ئه‌گه‌ر ئێك ب تنێ دگه‌ل ئيمامى بيت، يا دورست ل ره‌خێ راستێ يێ ئيمامى بيت نه يێ چه‌پێ.
زانايێ حيجازێ يێ ناڤدار (ناصر السعدي) دبێژيت: ئه‌ڤه به‌سه ده‌ليل و به‌لگه كو دورسته مرۆڤ دگه‌ل ئێكى بكه‌ته جه‌ماعه‌ت، و بلا وى ئنيه‌تا ئيمامه‌تيێ نه‌ئينابيت، چ فه‌رز بيت، چ سونه‌ت بيت، ديسا دبێژيت: دويماهيك نڤێژ پێغه‌مبه‌رێ خودێ (سلاڤێت خودێ لێ بن) د ژيانا خۆدا كرى پشتى ساخله‌ميا وى خۆش بووي هه‌ر ژ ڤى ره‌نگى بوو، پشتى پێغه‌مبه‌رێ خودێ (سلاڤێت خودێ لێ بن) ب سه‌ر خۆڤه هاتى، قه‌ستا مزگه‌فتێ كر، ديت موسلمان هه‌مى ل پشت ئه‌بو به‌كرى خودێ ژێ رازى بيت) يێ نڤێژێ دكه‌ن، ده‌مێ سه‌حابيان پێغه‌مبه‌رێ خودێ (سلاڤێت خودێ لێ بن) ديتى كه‌يفا وان گه‌له‌ك هات، و ده‌ستێت خۆ قوتان، ئه‌بو به‌كر خودێ ژێ رازى بيت) زڤرى ديت پێغه‌مبه‌رێ خودێ (سلاڤێت خودێ لێ بن) يێ دهێت و سحه‌تا وى يا خۆشه، كه‌يفا وى گه‌له‌ك هات و خۆ ڤه‌كێشا و پشت و پشت هات، دا پێغه‌مبه‌رێ خودێ (سلاڤێت خودێ لێ بن) بچيته پێش و ببيته ئيمام، پێغه‌مبه‌رێ خودێ (سلاڤێت خودێ لێ بن) ئيشاره‌ت دا ئه‌بو به‌كرى خودێ ژێ رازى بيت) دا بمينيت، به‌لێ ئه‌بو به‌كر خودێ ژێ رازى بيت) هه‌ر هات و ده‌ستێت خۆ بلندكرن و حه‌مدا خودايێ خۆ كر ژ كه‌يفاندا؛ ژبه‌ر كو پێغه‌مبه‌رێ خودێ (سلاڤێت خودێ لێ بن) يێ ژێ رازيه، پێغه‌مبه‌رێ خودێ (سلاڤێت خودێ لێ بن) پێش كه‌فت، و بوو ئيمام، و ئه‌بو به‌كر خودێ ژێ رازى بيت) بوو مه‌ئموم، و موسلمانان نڤێژا خۆ دويف نڤێژا ئه‌بو به‌كرى خودێ ژێ رازى بيت) دكر و وى نڤێژا خۆ دويف نڤێژا پێغه‌مبه‌رێ خودێ (سلاڤێت خودێ لێ بن) دكر، ئه‌ڤه به‌لگه‌يه‌كێ ديه دورسته ئيمام ببيته مه‌ئموم و مه‌ئموم ببيته ئيمام.
ديسا به‌لگه ل سه‌ر ڤێ چه‌ندێ، پێغه‌مبه‌رێ خودێ (سلاڤێت خودێ لێ بن) نڤێژ كربوو، ديت ئێك هات نڤێژا خۆ نه‌كربوو و نڤێژا خۆ ب تنێ كر، ئينا پێغه‌مبه‌رێ خودێ (سلاڤێت خودێ لێ بن) گۆت: ((كى هه‌يه سه‌ده‌قه‌كێ دگه‌ل ڤى بكه‌ت؟)) ئانكو: دگه‌ل وى بكه‌ته جه‌ماعه‌ت دا نڤێژا وى ژى ب جه‌ماعه‌ت بێته حسێبكرن، ئينا ئه‌بو به‌كر خودێ ژێ رازى بيت)، رابوو دگه‌ل كره جه‌ماعه‌ت، و پشتي زانايێ ناڤدار شه‌وكانى(خودێ ژێ رازى بيت)، ئه‌ڤ ريوايه‌ته ئيناي، گۆت: (وَالْحَدِيپ ێدُلُّ على مَشْرُوعِێه الدُّخُولِ مع من دخل في الصَّلاه مُنْفَردًا وَإِنْ كان الدَّاخِلُ معه قد صلى في جَمَاعَه. قال بن الرفْعَه: وقد اتَّفَقَ الْكُلُّ على أَنَّ من رَأَى شَخْصًا يُصَلِّي مُنْفَردًا لم ێلْحَقْ الْجَمَاعَه فَيُسْتَحَبُّ له أَنْ يُصَلِّێ معه وَإِنْ كان قد صلى في جَمَاعَه).
ديسا ئيمامێ شافعى(خودێ ژێ رازى بيت)، ژى حه‌ديسا ئبن عه‌باس خودێ ژێ رازى بيت) بۆ ڤێ چه‌ندێ دكه‌ته به‌لگه و ده‌ليل و به‌لگه‌يه‌كێ دى يێ عه‌قلى ژى دده‌ته دگه‌ل، دبێژيت: هه‌كه تو چۆيه مزگه‌فتێ و دوو مرۆڤ ب تنێ يێت دگه‌ل ته، و تو بوويه ئيمامێ وان، و ده‌ستپێكێ ته ئنيه‌تا ئيناى ببيه ئيمامێ دوويان ب تنێ، ئه‌رێ پشتى هنگى دورسته ده‌هێت دى بێن دگه‌ل هه‌وه ب جه‌ماعه‌ت بكه‌ن؟ بێ گۆمان ئه‌ڤه يا دورسته و چو تێدا نينه و كه‌س نابێژيت ئه‌ڤه يا خه‌له‌ته، هۆسا يێ بچيت دگه‌ل ئێكى بكه‌ته جه‌ماعه‌ت، ڤێجا چ ئه‌و نڤێژا فه‌رز بكه‌ت يان يا سونه‌ت عه‌ينى تشته و خودێ چێتر دزانيت.
