ب / ئه‌گه‌ر ئه‌و د رابوون و روينشتنه‌كێدا خه‌له‌ت بوون، يان تشته‌ك ژ نڤێژێ ژبيركر، بۆ ته هه‌يه تو وان ئاگه‌هداركه‌ى ب ڤى ره‌نگى: به‌رێ ده‌ستێ خۆ يێ راستێ دێ ل پشتا ده‌ستێ خۆ يێ چه‌پێ ده‌ى، و ب گۆتنا (سبحان الله) وان ئاگه‌هدار ناكه‌ى، چونكى ئاگه‌هداركرنا ئيمامى ب گۆتنا (سبحان الله) يا زه‌لامايه، و ژن ب ده‌ست قوتانێ و ب ره‌نگێ مه گۆتى به‌رێ ده‌ستێ راستێ دێ ل پشتا ده‌ستێ چه‌پێ ده‌ت دێ ئيمامى ئاگه‌هداركه‌ت، چ ئيمام زه‌لام بيت يان ژن، ئه‌ڤه هه‌كه خه‌له‌تى نه د خواندنێدا بيت، و هه‌كه د خواندنا فاتحێ يان يا ئه‌و سۆره‌تا پشتى فاتحێ دخوينيت د ركاعه‌تا ئێكێ و دووێدا بۆ ژنێ هه‌يه بۆ ئيمامى دورستكه‌ت، ب تايبه‌تى هه‌كه كه‌س ژ وێ شاره‌زاتر نه‌بيت. دويماهيك نڤێژ پێغه‌مبه‌رێ خودێ (سلاڤێت خودێ لێ بن) د ژيانا خۆدا كرى پشتى ساخله‌ميا وى خۆش بووي ئه‌ڤ ئاراسته كر، پشتى پێغه‌مبه‌رێ خودێ (سلاڤێت خودێ لێ بن) ب سه‌ر خۆڤه هاتى، قه‌ستا مزگه‌فتێ كر، ديت موسلمان هه‌مى يێ ل پشت ئه‌بو به‌كرى خودێ ژێ رازى بيت) نڤێژێ دكه‌ن، ده‌مێ سه‌حابيان پێغه‌مبه‌رێ خودێ (سلاڤێت خودێ لێ بن) ديتى كه‌يفا وان گه‌له‌ك هات ده‌ستێت خۆ قوتان، و ئه‌بو به‌كر خودێ ژێ رازى بيت) د نڤێژا خۆدا نه‌دزڤرى، وه‌ختێ خه‌لكى زێده ده‌ست قوتاين، زڤرى پێغه‌مبه‌رێ خودێ (سلاڤێت خودێ لێ بن) ديت، ئه‌بو به‌كر خودێ ژێ رازى بيت) زڤرى ديت پێغه‌مبه‌رێ خودێ (سلاڤێت خودێ لێ بن) يێ دهێت و سحه‌تا وى يا خۆشه، كه‌يفا وى گه‌له‌ك هات و خۆ ڤه‌كێشا پشت و پشت هات، دا پێغه‌مبه‌رێ خودێ (سلاڤێت خودێ لێ بن) بچيته پێش و ببيته ئيمام، پێغه‌مبه‌رێ خودێ (سلاڤێت خودێ لێ بن) ئيشاره‌ت دا ئه‌بو به‌كرى خودێ ژێ رازى بيت) دا بمينيت، به‌لێ ئه‌بو بكر خودێ ژێ رازى بيت) هه‌ر هات و ده‌ستێت خۆ بلندكرن و حه‌مدا خودايێ خۆ كر ژ كه‌يفادا ژبه‌ر كو پێغه‌مبه‌رێ خودێ (سلاڤێت خودێ لێ بن) يێ ژێ رازيه، پێغه‌مبه‌رێ خودێ (سلاڤێت خودێ لێ بن) پێش كه‌فت و بوو ئيمام، و ئه‌بو بكر خودێ ژێ رازى بيت) بوو مه‌ئموم، و موسلمانان نڤێژا خۆ دويف نڤێژا ئه‌بو به‌كرى خودێ ژێ رازى بيت) دكر و وى نڤێژا خۆ دويف نڤێژا پێغه‌مبه‌رێ خودێ (سلاڤێت خودێ لێ بن) دكر، ڤێجا ده‌مێ خلاس بووى به‌رێ خۆ دا خه‌لكى و گۆت: گه‌لى خه‌لكى هه‌وه خێره ده‌مێ تشته‌ك بۆ هه‌وه د نڤێژێدا چێبوو هه‌وه ده‌ست ب ده‌ست قوتانێ كر؟ ده‌ستقوتان يا ژنان ب تنێيه، هه‌ركه‌سێ تشته‌ك بۆ د نڤێژا ويدا چێبوو بلا بێژيت: (سبحان الله) نينه ئێكى گولێ بيت بێژيت: سبحان الله، و نه‌زڤريت و خودێ چێتر دزانيت.
