ب / پاشنڤێژ نابيت نه ب گۆتنێت نڤێژێ نه ب كارێت وێ به‌رى ئيمامى راكه‌ت، و هه‌كه وه‌كر، يێ گونه‌هكاره، ژبه‌ر حه‌ديسا پێغه‌مبه‌رێ خۆشتڤى (سلاڤێت خودێ لێ بن): نه ب ركوعێ به‌رى من راكه‌ن و نه ب سجودێ و نه ب رابوونێ و نه ب نڤێژده‌ركه‌فتنێ. چونكى پاشنڤێژ دويفهاتيێ ئيماميه، و كا چاوا ته‌كبيرا ئيحرامێ پشتى ئيمامى ئينايه هۆسا دڤێت هه‌مى كريارێت دى ژى دويف ئيماميرا بن، نه‌خاسمه د ركوع و سجودادا، و حه‌رامه مه‌ئمووم سه‌رێ خۆ ژ ركوعێ يان سجودێ به‌رى ئيمامى بلندكه‌ت. پێغه‌مبه‌رێ خودێ (سلاڤێت خودێ لێ بن) گۆت: ئه‌رێ ما ئێك ژ هه‌وه ناترسيت هه‌كه سه‌رێ خۆ به‌رى ئيمامى بلندكه‌ت خودێ سه‌رێ وى بكه‌ته سه‌رێ كه‌رى، يان خودێ وێنێ وى بكه‌ته وێنێ كه‌رى و خودێ چێتر دزانيت.
