ب / ياباش ئه‌وه هه‌كه ئيمام يێ نه‌ساخ بيت و نه‌شێت ژ پێڤه نڤێژێ بكه‌ت ئه‌و ئێكێ ساخله‌م شوينا خۆ بدانيت دا ژ خيلافێ ده‌ركه‌ڤيت، كا ئيمامه‌تيا يێ روينشتى دورسته يان نه، و كا ئه‌وێت پشت وى دێ وه‌كى وى روينن يان نه، به‌لێ هه‌كه كه‌س شوينا خۆ نه‌دانا و ئيمامه‌تى كر و روينشتى نڤێژا خۆ كر.. ده‌ف حه‌نبه‌ليان و هنده زانايێت دى ئه‌ڤێت پشت وى نڤێژێ دكه‌ن وه‌كى وى دێ روينشتى نڤێژێ كه‌ن، چونكى پێغه‌مبه‌رێ خودێ (سلاڤێت خودێ لێ بن) دبێژيت: يێ كريه ئيمام دێ دويف وى كه‌ن، هه‌كه چۆ ركوعێ هه‌رنه ركوعێ و هه‌كه رابى رابن و هه‌كه نڤێژ روينشتى كر روينشتى بكه‌ن.
به‌لێ ئيمامێ شافعي و سه‌ورى و حه‌نه‌في خودآ ژ هه‌ميان رازى بيت دبێژن: هه‌كه ئيمام روينشته خوارێ ژى ئه‌وێت پشت نڤێژێ دكه‌ن نارويننه خوارێ، دێ ژ پێڤه نڤێژێ كه‌ن، ژبه‌ر حه‌ديسا عائيشايێ خودێ ژێ رازى بيت) ڤه‌گوهاستى، دبێژيت: پێغه‌مبه‌رێ خودێ (سلاڤێت خودێ لێ بن) د نه‌ساخيا خۆدا ئه‌بو به‌كر خودێ ژێ رازى بيت) شوينا خۆ دانا نڤێژێ به‌راهيا موسلمانان بكه‌ت، پشتى پێغه‌مبه‌رێ خودێ (سلاڤێت خودێ لێ بن) ب سه‌ر خۆڤه هاتى، قه‌ستا مزگه‌فتێ كر، ديت موسلمان هه‌مى يێ ل پشت ئه‌بو به‌كرى خودێ ژێ رازى بيت) نڤێژێ دكه‌ن، ده‌مێ سه‌حابيان پێغه‌مبه‌رێ خودێ (سلاڤێت خودێ لێ بن) ديتى كه‌يفا وان گه‌له‌ك هات ده‌ستێت خۆ قوتان، و ئه‌بو به‌كر خودێ ژێ رازى بيت) د نڤێژا خۆدا نه‌دزڤرى، وه‌ختێ خه‌لكى زێده ده‌ست قوتاين، زڤرى پێغه‌مبه‌رێ خودێ (سلاڤێت خودێ لێ بن) ديت، ئه‌بو به‌كر خودێ ژێ رازى بيت) زڤرى ديت پێغه‌مبه‌رێ خودێ (سلاڤێت خودێ لێ بن) يێ دهێت و سحه‌تا وى يا خۆشه، كه‌يفا وى گه‌له‌ك هات و خۆ ڤه‌كێشا پشت و پشت هات، دا پێغه‌مبه‌رێ خودێ (سلاڤێت خودێ لێ بن) بچيته پێش و ببيته ئيمام، پێغه‌مبه‌رێ خودێ (سلاڤێت خودێ لێ بن) ئيشاره‌ت دا ئه‌بو به‌كرى خودێ ژێ رازى بيت) دا بمينيت، به‌لێ ئه‌بو بكر خودێ ژێ رازى بيت) هه‌ر هات و ده‌ستێت خۆ بلندكرن و حه‌مدا خودايێ خۆ كر ژ كه‌يفاندا ژبه‌ر كو پێغه‌مبه‌رێ خودێ (سلاڤێت خودێ لێ بن) يێ ژێ رازيه، پێغه‌مبه‌رێ خودێ (سلاڤێت خودێ لێ بن) پێش كه‌فت و بوو ئيمام و روينشتى نڤێژ كر، و ئه‌بو بكر خودێ ژێ رازى بيت) بوو مه‌ئمووم، و موسلمانان نڤێژا خۆ دويف نڤێژا ئه‌بو به‌كرى خودێ ژێ رازى بيت) دكر، و وى نڤێژا خۆ دويف نڤێژا پێغه‌مبه‌رێ خودێ (سلاڤێت خودێ لێ بن) دكر، و ئه‌ڤه دويماهيك كار بوو ژ پێغه‌مبه‌رى (سلاڤێت خودێ لێ بن) هاتيه زانين، ئه‌ڤه وێ ئاشكرا دكه‌ت ئه‌ڤا ئێكێ يا مه‌نسوخ و حوكم راكريه و ئه‌ڤ بۆچۆنه ب هێزتر و دورستتره و خودێ چێتر دزانيت.
