ب / ب راستى ئه‌ڤه ئاخفتنه‌كا بێباره ژ به‌لگه و ده‌ليلان، و چو نه‌هاتيه ژ به‌لگه و ده‌ليلان كو نڤێژ سه‌ركۆل و بێ ده‌رسۆك نه‌دورسته، به‌لكى يا وارد بووى هه‌روه‌كى ئبن عه‌باس خودێ ژێ رازى بيت) ژ پێغه‌مبه‌رێ خودێ (سلاڤێت خودێ لێ بن) ڤه‌دگوهێزيت.. هنده‌جارا شاشكا خۆ يان كولاڤێ خۆ دئێخست و دكره ناڤبر به‌ر نڤێژا خۆ. و پاشى ئه‌م هه‌مى دزانين د مه‌ناسكێت حه‌جێدا نه‌دورسته تشته‌ك سه‌ر سه‌رێ زه‌لامى بيت ـ نه ده‌رسۆك نه كولاڤ ـ به‌لێ هنده زانا دبێژن: نڤێژا ب ده‌رسۆك ب خێرتره ژ نڤێژا بێ ده‌رسۆك، و بۆ ڤێ بۆچۆنێ پشتا خۆ ب حه‌ديسه‌كێ گه‌رم دكه‌ن ئه‌و ژى ئه‌ڤه‌يه: نڤێژه‌كا ب ده‌رسۆك بخێرتره ژ حه‌فتێ نڤێژێت بێ ده‌رسۆك، به‌لێ ريوايه‌تا ڤێ حه‌ديسێ ڤه‌گێره‌كێ هه‌ى ناڤێ وى (طارق بن عبد الرحمن)ـه، ئيمامێ زه‌هه‌بى د ده‌رحه‌قێ ويدا دبێژيت: يێ له‌وازه، و نه‌سائى دبێژيت: نه‌يێ ب هێزه، و بوخارى ژ له‌وازان دانايه، و حاكم دبێژيت: يێ خرابه د ژبه‌ركرنێدا، و ئيمامێ سه‌خاوى دبێژيت: ئه‌ڤ حه‌ديسه نه‌يا بنه‌جهه، و (خطاب)ى دبێژيت: هه‌ر حه‌ديسا د ڤى بابه‌تيدا هاتبيت يا باتله و نه‌يا دورسته، ل ڤێرێ بۆ مه ديار دبيت ئاخفتنا ڤى مه‌لاى چه‌ندا نه‌بنه‌جهه و نه‌يا دورسته و خودێ چێتر دزانيت.
