ب : پێدڤیه ده‌مێ ئه‌م دچینه سه‌ر نڤێژێ بزانین ئه‌م شه‌نگه‌ستێ سه‌ره‌كی یێ ئیسلامێ كار پێ دكه‌ین و پێ رادبین و هه‌كه مه ئه‌ڤ شه‌نگسته ب دورستی كر، دێ بۆ كارێت دی هێینه سه‌رفه‌رازكرن، و دێ ژ گونه‌هێ دویر بین، چونكی سه‌رێ هه‌می تشتان نڤێژه، له‌وا دبێژنه نڤێژێ ستوینا ئیسلامێ، ژ به‌ر هندێ فه‌ره ئه‌م وان رێكا هه‌میان بگرین، یێت دبنه هاریكار ئه‌م نڤێژه‌كا راست و دورست بكه‌ین، و یا ترس و خشوع تێدا، و هه‌ر تشتێ مه د نڤێژا مه دا مه مژویلكه‌ت، پێدڤییه ئه‌م خۆ ژێ بده‌ینه پاش جلكێ وێنه‌یێت مروڤان یان جانوه‌ران ل سه‌ر پێدڤییه ئه‌م خۆ ژێ ب ده‌ینه پاش و نه كه‌ینه به‌ر خۆ نه بۆ نڤێژی و نه ده‌رڤه‌ی نڤێژێ، چونكی گه‌له‌ك زانا ل گه‌ل هندینه ئه‌ڤ جلكه یێ حه‌رامه، و نه دورسته، به‌لێ كا نڤێژ پێڤه یا دورسته یان نه؟ ل سه‌ر بۆچونا دورستتر ژ زانا نڤێژ یا دورسته و نه یا به‌تاله به‌لێ مه‌كروهه ئه‌م نڤێژی ب جلكێ وێنه‌كریڤه بكه‌ین، هه‌روه‌كی ئیمامێ نه وه‌وی ڤێ د شه‌رحا موسلمێدا دبێژیت، چونكی پێغه‌مبه‌ری سلاڤێت خودێ ل سه‌ربن نڤێژا ب جلكێ ب وینه‌ڤه یێ كری به‌لێ پشتی هنگی ئه‌و جلكی ئێخستی و نه‌كریه به‌ر خۆڤه، و نڤێژا خۆ دوباره نه‌كریه ڤه، و ئه‌ڤه وێ دگه‌هینیت ئێخستنا پێغه‌مبه‌ری بۆ وی جلكی یێ مه‌كروه و نه‌كرنه‌ڤه‌یا وی بۆ نڤێژا خۆ ئا شكرا دكه‌ت نڤێژ یا دورسته، د بوخاری و موسلمێدا هاتیه پێغه‌مبه‌ری سلاڤێت خودێ ل سه‌ربن نڤێژ ب جلكه‌كێ ب ویبنه‌ڤه كر (دبێژنێ خه‌میصه) پاشی ئێخست ۆ گۆت ڤی جلكی ئه‌ز مژویلكرم بۆ ئه‌بو جه‌هه‌می ببه‌ن و جلكه‌كێ ئنبجانی ـ یێ بێ وێنه ـ بۆ من بینن و هه‌كه ئێكێ نڤێژ بجلكه‌كێ وینه ل سه‌ر كر و نه زانی چنینه و نڤێژا وی یا دورسته و نه یێ گونه‌هكاره، به‌لێ هه‌كه ب زانیت وێنه ل سه‌ر جلكی نه یێت دورستن و لگه‌ل هندێ ژی نڤێژێ پێڤه بكه‌ت، نڤێژا وی یا دورسته و دبیت یێ گونه‌هكاربیت ژ به‌ر جلكێ ب وێنه و خودێ چێتر دزانیت.
