ب : سونه‌ت به‌ری نڤێژا ئێڤاری هه‌یه یان نه؟ به‌لێ یا هه‌ی و موسته‌حه‌به و باشه بكه‌ین یان نه؟ به‌لێ باشه و موسته‌حه‌ببه؟ به‌لێ ژ راتبان دهێته هه‌ژمارتن؟ نه ژ راتبان نا هێته هه‌ژمارتن، به‌لێ باشه بێته‌كرن؛ چونكی پێغه‌مبه‌ری سلاڤێت خودێ ل سه‌ربن پتر حه‌دیسه‌كێدا به‌رێ مه یێ دایه كرنا سونه‌تا به‌ری نڤێژا ئێڤاری ژ وان دبێژیت: (رَحِمَ اللَّهُ امْرَأً صَلَّى قَبْلَ الْعَصْرِ أَرْبَعًا) خودێ دلوڤانیێ ب وی ببه‌ت یێ به‌ری نڤێژا ئێڤاری چوار ركعه‌تان بكه‌ت، و دڤه‌گێرا ئه‌بوداودیدا هاتیه پێغه‌مبه‌ری سلاڤێت خودێ ل سه‌ربن دوو ركعه‌ت به‌ری نڤێژا ئێڤاری دكرن (أَنَّ النبي كان يُصَلِّي قبل الْعَصْرِ رَكْعَتَيْنِ) و دیسا دبێژیت دناڤبه‌را دوبانگادا سونه‌تا هه‌ی (بَيْنَ كُلِّ أَذَانَيْنِ صَلاةٌ) و بۆچونا ب هێزتر نه ژ راتیبانه به‌لێ سونه‌ته‌كا بنه‌جهه و یا هه‌ی.
