ب : ئه‌ڤه جهێ ژێكجودابوونێیه دناڤبه‌را زانایاندا ل سه‌ر دوو بوچونان:
بوچونا ئێكێ: ركعه‌ته‌ك تنێ ژ بلی نڤێژا ویترێ نه دورسته؛ چونكی پێغه‌مبه‌ر سلاڤێت خودێ ل سه‌ر بن دبێژیت: (نڤێژا شه‌ڤێ دوو ركعه‌ت دوو ركعه‌ته ) و دڤه‌گێرا ئمام ئه‌حمه‌دیدا هاتیه: (صلاه اللیل والنهار ركعتین ركعتین) و ئه‌لبانی ئه‌ڤ حه‌دیسه دورستكریه، و ئه‌ڤه بوچونا حه‌نه‌فی و مالكیانه و ئیمام ئه‌حمه‌د دڤه‌گێره‌كێدا و بوچونا دوویێ دورسته ركعه‌ته‌ك تنێ بیته‌كرن و ئه‌ڤه بۆچونا شافعیانه و ئیمام ئه‌حمه‌د دڤه‌گێره‌كێدا، و به‌لگه‌یێ وان هه‌روكێ دبه‌یهه‌قیدا هاتی ئه‌ڤه‌یه عومه‌رێ كورێ خه‌تابی چو دمزگه‌فتا پێغه‌مبه‌ریڤه سلاڤێت خودێ ل سه‌ربن و ركعه‌ته‌ك كر و سلاڤا ملان دا و ده‌ر كه‌فت، زه‌لامه‌ك دویفرا چو و گۆتێ یا ئه‌میرلموئنین ته ركعه‌ته‌ك تنێ كر؟! گۆتێ: به‌لێ سونه‌ته ته دڤێت كێمكه ته دڤێت زێده‌كه (يا أمير المؤمنين ما ركعت إلا ركعة واحدة قال هو التطوع فمن شاء زاد ومن شاء نقص) دویماهیكی ئه‌ز دبێژم باشتر ئه‌وه مرۆڤی دوركعه‌تان كێمتر نه‌كه‌ت دا ژ جودابوونێ ده‌ركه‌ڤیت، و هه‌كه ركعه‌ت ژی كر ل دویف بۆچونا دویێ دورسته و خودێ چێتر دزانیت.
