به‌رسڤێت دور نڤێژێ و پرسێت پێڤه‌ گرێداى

ب : ده‌ستڤێژ ب هاتنا خوینێ ناكه‌ڤیت ل دویف بوچونا پتر یا زانایان هه‌كه‌ ل هه‌ردوو جهێت ده‌ستئاڤێرا نه‌ هیت و ژئیمام حه‌سه‌نی هاتیه‌ موسلمانان به‌رده‌وام نڤێژێت خۆ ب برێنێت خۆڤه‌ دكرن و هاتنا خوینێ ژ ئه‌گه‌رێ كولیا پیان یان ددان ئینانه‌ ده‌رێ كارلێكرنێ دده‌ستنڤێژێدا ناكه‌ت و هه‌كه‌ خوین هاته‌ ناڤ ده‌ڤێ مرۆڤی هندی بشێت دڤێت نه‌ داعوریت؛ چونكی خوین یا حه‌رامه‌ خودایێ مه‌زن دبێژیت: (حرمت عليكم الميتة والدم) و دورسته‌ كه‌فیكا خۆ ده‌ربێخیت خوینێ بكه‌ته‌ ناڤدا و نڤێژا خۆ ببه‌ته‌ سه‌ری، و هه‌كه‌ ده‌رڤه‌ی مزگه‌فتێ بیت دشێت لایێ خۆ یێ چه‌پێ بن پێ خۆ تفكه‌ت و نڤێژا وی یا دورسته‌ و هه‌كه‌ ئه‌و خوین تشته‌كێ كێم بیت و بێی ده‌ستێ وی بچویته‌ خوارێ نڤێژ یا دورسته‌ و خودێ چێتر دزانیت.