به‌رسڤێت دور نڤێژێ و پرسێت پێڤه‌ گرێداى

ب : زانا ژێكجودا نه‌بوینه‌ ل سه‌ر دورستیا نڤێژێ ب جه‌ماعه‌ت د ناڤبه‌را ستونانرا هه‌كه‌ هه‌وجه‌یی ب خازیت و مزگه‌فت یا ته‌نگ و بچویك بیت دیسا ژێكجودا نه‌بوینه‌ ل سه‌ر دورستیا نڤێژێ ب تنێ د ناڤبه‌را ستونانرا به‌لێ یێت ژێكجودانه‌ ل سه‌ر دورستیا نڤێژا پاشنڤێژان پشت پێشنڤێژیرا د ناڤبه‌را ستونانرا هه‌كه‌ جهێ به‌ر فره‌ھ بیت و بشێن ستوینا بێخنه‌ پاش خۆ ل سه‌ر دوو بوچونان: ئێك: دورسته‌ و چ تێدا نینه‌ و ئه‌ڤه‌ بۆچونا حه‌نه‌فیان و شافعیانه‌ و ئبن سیرین و ئبن مونذر هه‌ر ڤێ دبێژن. دوو: مه‌كروهه‌ نڤێژ ب جه‌ماعه‌ت د ناڤبه‌را ستوینانرا بێته‌كرن هه‌كه‌ ده‌رفه‌ت هه‌بیت و هه‌كه‌ جهێ ته‌نگ بیت و ده‌رفه‌ت نه ‌بیت چنینه‌ و دورسته‌ و ئه‌ڤه‌ بوچونا مالكیان و حه‌نبه‌لیانه‌ و به‌لگه‌یێ وان حه‌دیسا ئه‌نه‌سییه‌ خودێ ژێ رازی بیت دبێژت نه‌هیا مه‌ یا هاتیه‌كرن ئه‌م نڤێژا جه‌ماعه‌ت د ناڤبه‌را ستونانرا بكه‌ین و دبێژیت مه‌ صه‌حابان خۆ دنگان دپارازت. دڤێت ئه‌م بزانین زانا هه‌می ئێك ده‌نگن پرسێت جوداهی ل سه‌ر نابیت دلمان ل سه‌ر رویده‌ت و نابیت ئینكار ل سه‌ر بێته‌كرن ژبه‌ر هندێ دڤێت ئه‌ڤ پرسه‌ نه‌بیته‌ جهێ جودابوون و ژێكڤه‌بونێ د ناڤبه‌را موسلماناندا و خودێ چێتر دزانیت.