ب : ل دویف بۆچونا دورستتر ژ گوتنێت زانایان هه‌كه دێر یا پاقژ بیت و ژ وێنه و په‌یكه‌ران یا ڤالابیت دورسته نڤێژكرن د دێرانڤه، و هه‌كه وێنه تێڤه‌بن یان په‌یكه‌ر هنده زانایان مه‌كروھ دانایه و هنده‌كان حه‌رام دانایه به‌لێ ئه‌وێت حه‌رام ژی دانای نڤێژێ به‌تال نادانن، دبێژن نڤێژ یا دورسته به‌لێ یێ گونه‌هكاره، نڤێژ د جهه‌كێڤه كر په‌یكه‌ر و وێنه تیدا، و هه‌كه مرۆڤ ل جهه‌كێ بیت بخازیت نڤێژێ ل دێرێ بكه‌م دورسته خۆ هه‌كه وێنه ژێ تێڤه هه‌بن یان په‌یكه‌ر؛ چونكی پێغه‌مبه‌ری سلاڤێت خودی ل سه‌ربن نڤێژ ل كه‌عبێڤه‌دكر و په‌یكه‌ر و وێنه تێڤه هه‌بوون و یێت نڤێژكرن ددێرانڤه دورست دانای عومه‌رێ كورێ خه‌تابییه و ئه‌بو موسایێ ئه‌شعه‌ری و حه‌سه‌نێ به‌صری و عومه‌رێ كورێ عه‌بدولعه‌زیزی و شه‌عبی و ئه‌وزاعی، و خودێ چێتر دزانیت.
